Ind vs Aus / જાડેજા પર ઑસ્ટ્રેલિયાના ગંભીર આરોપ: કહ્યું બોલ સાથે કરી 'રમત', જાણો શું છે સત્ય

• સ્ટાર ઓલરાઉન્ડર રવિન્દ્ર જાડેજા પર બોલ સાથે ચેડા કરવાનો આરોપ
• મીડિયા આઉટલેટ ફોક્સ ક્રિકેટે જાડેજા સાથે સંબંધિત એક ક્લિપ શેર કરી
• ઓસ્ટ્રેલિયન મીડિયાએ ખાલીખોટો ઉછાળ્યો મામલો 

ભારત અને ઓસ્ટ્રેલિયા વચ્ચે ચાર મેચની ટેસ્ટ સીરીઝ શરૂ થઈ ગઈ છે. આજે મેચનો બીજો દિવસ છે એવામાં નાગપુરમાં રમાઈ રહેલી પહેલા ટેસ્ટ મેચના શરૂઆતના દિવસે જ વિવાદ ઉભો થયો હતો. જણાવી દઈએ કે ઓસ્ટ્રેલિયાના મીડિયાએ ટીમ ઈન્ડિયાના સ્ટાર ઓલરાઉન્ડર રવિન્દ્ર જાડેજા પર બોલ સાથે ચેડા કરવાનો આરોપ લગાવ્યો છે અને ઓસ્ટ્રેલિયાના મીડિયા આઉટલેટ ફોક્સ ક્રિકેટે જાડેજા સાથે સંબંધિત એક ક્લિપ શેર કરી છે.

રવિન્દ્ર જાડેજા પર લગાવ્યો આવો આરોપ 
જણાવી દઈએ કે ઓસ્ટ્રેલિયાના મીડિયા આઉટલેટ ફોક્સ ક્રિકેટે જાડેજા સાથે સંબંધિત એક ક્લિપ શેર કરી કેપ્શનમાં લખ્યું હતું કે, 'ફની. ભારત અને ઓસ્ટ્રેલિયા વચ્ચે રમાઈ રહેલી પ્રથમ ટેસ્ટ દરમિયાન પ્રશ્નાર્થ ચિહ્નો ઉભી કરતી એક બાબત સામે આવી છે, જેને લઈને ચર્ચા શરૂ થઈ ગઈ છે.' આ વીડિયો ક્લિપમાં જોવા મળે છે કે રવીન્દ્ર જાડેજા બોલ ફેંકતા પહેલા સાથી ખેલાડી મોહમ્મદ સિરાજ પાસે જાય છે અને તેની પાસેથી મલમ જેવી વસ્તુ લઈને તેની આંગળીઓ પર લગાવે છે.

"Interesting."

A debate has erupted after vision of a questionable moment was spotted during the first innings of the first Test between Australia and India. #INDvAUS https://t.co/APu2CrP3hI

— Fox Cricket (@FoxCricket) February 9, 2023

ઓસ્ટ્રેલિયન મીડિયાએ ખાલીખોટો ઉછાળ્યો મામલો 
ICCના નિયમો અનુસાર બોલર અથવા ફિલ્ડર તરફથી બોલ પર કંઈપણ લગાવવાની મનાઈ હોય છે અને આવું કરવું બોલ ટેમ્પરિંગની કેટેગરી આવશે. વીડિયોમાં રવિન્દ્ર જાડેજા આવું કંઈ કરતા જોવા નથી મળી રહ્યા. ફૂટેજ જોતા જણાય છે કે જાડેજાએ પોતાની આંગળીઓને આરામ આપવા માટે ઓઈન્ટમેન્ટ (મલમ) લગાવ્યું હતું. આ સાથે જ જો જાડેજાએ બોલ ટેમ્પરિંગ કરવું હોત તો તેણે બોલ પર ક્રીમ લગાવી હોત પણ એમને આંગળીમાં મલમ લગાવ્યું હતું. હાલ એવું લાગી રહ્યું છે કે ઓસ્ટ્રેલિયન મીડિયાએ આ મામલાને બિનજરૂરી રીતે હવા આપી છે. ફોક્સ ક્રિકેટ નાગપુર ટેસ્ટ મેચ દ્વારા ભારતીય ક્રિકેટની છબિ ખરાબ કરવાનો પ્રયાસ કરતાં રવીન્દ્ર જાડેજાને બોલ ટેમ્પરિંગ વિવાદમાં ફસાવવાનો નિષ્ફળ પ્રયાસ કર્યો હતો.

પોસ્ટ જોઈ બોલ ટેમ્પરિંગને લઈને નવી ચર્ચા શરૂ 
ફોક્સ ક્રિકેટની પોસ્ટે બોલ ટેમ્પરિંગને લઈને નવી ચર્ચાને જન્મ આપ્યો છે. જણાવી દઈએ કે ઈંગ્લેન્ડના ભૂતપૂર્વ કેપ્ટન માઈકલ વોને ફોક્સ સ્પોર્ટનું ટ્વિટ શેર કરતાં લખ્યું કે 'તે પોતાની ફરતી આંગળી પર શું લગાવી રહ્યો છે? આવું ક્યારેય નહીં જોયું હોય' આ સાથે જ ઓસ્ટ્રેલિયાના પૂર્વ કેપ્ટન ટિમ પેને પણ આ અંગે કોમેન્ટ કરતાં લખ્યું કે 'ઇન્ટરેસ્ટિંગ.'

#INDvsAUS #BorderGavaskarTrophy #RavindraJadeja #SirJadeja #Jadeja #siraj pic.twitter.com/fPOFnl5CtF

— The Lazy Journalist (@ilazyjournalist) February 9, 2023

જો કે ઓસ્ટ્રેલિયાના ભૂતપૂર્વ કેપ્ટન માઈકલ ક્લાર્કે કહ્યું કે તે માનતો નથી કે આ ઘટનામાં કંઈ ખોટું છે પણ ક્લાર્કનું માનવું છે કે જાડેજાના હાથમાં બોલ હતો ત્યારે તેણે ક્રીમ લગાવવી જોઈતી ન હતી. ક્લાર્કે બિગ સ્પોર્ટ્સ બ્રેકફાસ્ટ પર કહ્યું, 'તે ઘણી સારી બોલિંગ કરી રહ્યો હતો, જેના કારણે તેની આંગળીમાં કેટલાક કટ આવી શકે છે એ સમયે જાડેજાએ અમ્પાયરને બોલ આપવો જોઈતો હતો અને તેણે પોતાની આંગળીઓ પર મલમ લગાવતી વખતે અમ્પાયરની સામે ઊભા રહેવું જોઈતું હતું.