રોકાણ / વૃદ્ધોની એકલતા દૂર કરશે કંપની... નવયુવાનના આઈડિયાથી રતન ટાટા ખુશ, કરી દીધું ફંડિંગ

• રતન ટાટાએ વૃદ્ધો માટે કામ કરનારા સ્ટાર્ટઅપમાં કર્યુ રોકાણ
• ગુડફેલો દ્વારા બનાવવામાં આવેલી બે પેઢીઓ વચ્ચેનુ બંધન ખૂબ સાર્થક
• છેલ્લાં છ મહિનામાં ગુડફેલોએ એક સફળ બીટા પૂર્ણ કર્યુ

રતન ટાટાએ ગુ઼ડફેલોમાં એક બીજ રોકાણ કર્યુ

ટાટા સન્સના ચેરમેન એમેરિટસ રતન ટાટાએ ગુડફેલો નામના એક સ્ટાર્ટઅપમાં એક બીજ રોકાણ કર્યુ છે, જેનો ઉદ્દેશ્ય યુવાનો અને શિક્ષિત સ્નાતકોને સાર્થક સહયોગ માટે જોડીને વૃદ્ધોની મદદ કરવાનો છે. છેલ્લાં છ મહિનામાં ગુડફેલોએ એક સફળ બીટા પૂર્ણ કર્યુ છે અને હવે તે મુુંબઈ અને ટૂંક સમયમાં પુણે, ચેન્નઈ અને બેંગ્લોરમાં ઉપલબ્ધ રહેશે. 

રતન ટાટાએ ગુડફેલોના કર્યા વખાણ 

રતન ટાટાએ કાલે આ સંસ્થાના કાર્યક્રમ દરમ્યાન કહ્યું કે ગુડફેલો દ્વારા બનાવવામાં આવેલી બે પેઢીઓ વચ્ચેનુ બંધન ખૂબ સાર્થક છે અને ભારતમાં એક મહત્વપૂર્ણ સામાજિક મુદ્દાને સંબોધિત કરવામાં મદદ કરી રહ્યું છે. મને આશા છે કે રોકાણ ગુડફેલોમાં યુવા ટીમને વધારવામાં મદદ કરશે. 

ગુડફેલોને મળ્યો ઘણો પોઝીટીવ રિસ્પોન્સ 

બીટા પરીક્ષણ દરમ્યાન ગુડફેલોમાં નોકરી શોધી રહેલા યુવા સ્નાતકોની 800થી વધુ અરજીની સાથે ગુડફેલોને સકારાત્મક પ્રતિક્રિયા મળી. જેમાંથી 20ના એક શોર્ટલિસ્ટેડ ગ્રુપે મુુંબઈમાં વૃદ્ધોને સહયોગ આપ્યો. ગુડફેલો નોકરીની શોધમાં સ્નાતકોને અલ્પકાલિક ઈન્ટર્નશિપની સાથે-સાથે રોજગાર પણ પ્રદાન કરે છે, જે તેમને આ સ્થાન પર પોતાની શૈક્ષણિક પૃષ્ઠભૂમિને લાગુ કરવાની મંજૂરી આપે છે. 

શું છે ગુડફેલોનુ બિઝનેસ મૉડલ 

ગુડફેલોનુ બિઝનેસ મૉડલ એક પ્રીમિયમ સબ્સક્રિપ્શન મૉડલ છે. વૃદ્ધોને આ સેવાનો અનુભવ કરાવવાના લક્ષ્યની સાથે પહેલો મહિનો ફ્રી છે. બીજા મહિના બાદ એક નાની સભ્યપદ ફી છે, જે પેન્શનધારકોના મર્યાદિત સમાર્થ્યના આધારે નક્કી કરવામાં આવે છે.