તમે અત્યાર સુધી A, B, AB અને O બ્લડ ગ્રુપ વિશે જાણતા જ હશો, પરંતુ યુકેના વૈજ્ઞાનિકોએ એક નવું અને દુર્લભ બ્લડ ગ્રુપ શોધી કાઢ્યું છે, જે ખાસ કરીને ગર્ભમાં રહેલા બાળક માટે જીવલેણ છે.
A, B, AB અને O બ્લડ ગ્રુપ વિશે જાણતા હશો તમે
હવે વૈજ્ઞાનિકોએ શોધી કાઢ્યું નવું બ્લડ ગ્રુપ
ગર્ભસ્થ શીશુ માટે છે જીવલેણ
અત્યાર સુધી તમે મનુષ્યોમાં જોવા મળતા A, B, AB અને O બ્લડ ગ્રુપ વિશે જાણતા હશો. પરંતુ હવે વૈજ્ઞાનિકોએ એક નવું બ્લડ ગ્રુપ શોધી કાઢ્યું છે. જે તેમનાથી બિલકુલ અલગ છે. આ નવું બ્લડ ગ્રુપ માનવ શરીરમાં જોવા મળતા સામાન્ય બ્લડ ગ્રુપથી સંપૂર્ણપણે અલગ છે.
ઘણા વર્ષોથી તેની શોધ કરવામાં આવી રહી હતી. પરંતુ સાચો જવાબ મળ્યો ન હતો. આ બ્લડ ગ્રુપ અને તેમાં જોવા મળતા કન્ટેન્ટ વૈજ્ઞાનિકોને પણ આશ્ચર્યમાં મૂકી દે છે.
ગર્ભસ્થ શીશુ માટે ઘાતક
તમે અત્યાર સુધીમાં A, B, AB અને O બ્લડ ગ્રુપ વિશે જાણતા જ હશો. પરંતુ બ્રિટિશ વૈજ્ઞાનિકોએ એક નવું અને દુર્લભ બ્લડ ગ્રુપ શોધી કાઢ્યું છે જે ખાસ કરીને ગર્ભાશયમાં રહેલા શીશુ માટે ઘાતક હોવાનું કહેવાય છે.
બ્રિટનની બ્રિસ્ટલ યુનિર્સિટી અને નેશનલ હેલ્થ સર્વે બ્લડ એન્ડ ટ્રાન્સપ્લાન્ટના વૈજ્ઞાનિકોએ મળીને નવા બ્લડ ગ્રુપની શોધ કરી છે. વૈજ્ઞાનિકોનું કહેવું છે કે નવા બ્લડ ગ્રુપની ઓળખ બાદ ઘણા દર્દીઓના જીવ બચાવી શકાશે.
નવા બ્લડ ગ્રુપનું નામ છે – Er
વૈજ્ઞાનિકોએ નવા શોધાયેલા બ્લડ ગ્રુપનું નામ Er રાખ્યું છે અને કહ્યું છે કે તે ખૂબ જ દુર્લભ છે. જર્નલ બ્લડમાં પ્રકાશિત અહેવાલ અનુસાર, તેઓ 30 વર્ષથી આ રહસ્યને ઉકેલવામાં લાગ્યા હતા. આ બ્લડ ગ્રુપના બે કેસ બ્રિસ્ટોલ યુનિવર્સિટીના વૈજ્ઞાનિકો સુધી પહોંચ્યા હતા. બંને કિસ્સામાં મહિલાઓ ગર્ભવતી હતી અને તેમના બાળકો ગર્ભમાં જ મૃત્યુ પામ્યા હતા.
જ્યારે તપાસ કરવામાં આવી તો જાણવા મળ્યું કે બંનેનું બ્લડ ગ્રુપ Er હતું. બંને કિસ્સાઓને સમજ્યા પછી, વૈજ્ઞાનિકો એ નિષ્કર્ષ પર પહોંચી શક્યા કે જ્યારે માતા અને બાળકના બ્લડ ગ્રુપ અલગ હોય ત્યારે ઈમ્યૂન સિસ્ટમ બેકાબૂ થઈ જાય છે.
ગર્ભમાં રહેલા બાળક માટે ઘાતક
એક રિપોર્ટ અનુસાર જો ગર્ભવતી મહિલાનું બ્લડ ગ્રુપ Er હોય તો તેની ઈમ્યુન સિસ્ટમ બાળકના લોહી સામે એન્ટિબોડીઝ બનાવવાનું શરૂ કરી દે છે. આ એન્ટિબોડીઝ નાળ દ્વારા બાળકના શરીરમાં પહોંચે છે અને હેમોલિટીક રોગનું કારણ બને છે અને બાળકના લાલ રક્ત કોશિકાઓ પર હુમલો કરે છે.
આવી સ્થિતિમાં તે લાંબુ જીવી શકતા નથી. આ દુર્લભ બ્લડ ગ્રુપ વિશે 30 વર્ષ પહેલા એક રિસર્ચમાં વાત કરવામાં આવી હતી. હવે આવી પ્રેગ્નન્સીમાં બાળકનો જીવ કેવી રીતે બચાવી શકાય તેના પર સંશોધન કરવામાં આવશે.