અમદાવાદ / પંકજે મહિલા વકીલને કહ્યું- 'મારા છૂટાછેડા અપાવી દઇશ તો તારી સાથે લગ્ન કરીશ', બાદમાં બની હચમચાવતી ઘટના

• મહિલા વકીલને છૂટાછેડા લેવા આવેલા અસીલ સાથેનો પ્રેમ ભારે પડ્યો
• અસીલે મહિલા વકીલને લગ્નની લાલચ આપી ગુજાર્યો બળાત્કાર
• પંકજ મકવાણા નામના શખ્સ સામે અમદાવાદના વાડજ પોલીસમાં ફરિયાદ

પંકજ મકવાણા નામના શખ્સ સામે વાડજમાં ફરિયાદ નોંધાઈ છે. અમદાવાદમાં રહેતી અને વકીલાત કરતી એક યુવતી સાથે તેણે લગ્નની લાલચ આપીને ગેસ્ટ હાઉસમાં લઈ જઈ બળાત્કાર ગુજાર્યો હતો. ભોગ બનનાર યુવતી જ્યારે ઇન્ટર્નશિપ કરતી હતી ત્યારે છૂટાછેડાનો કેસ આવ્યો હતો. તે કેસ લઈને આવનાર આરોપી પંકજે છૂટાછેડા અપાવી દેશે તો તેની સાથે લગ્ન કરશે તેવી લાલચ આપી હતી. વકીલ યુવતી આ યુવકની વાતોમાં ફસાઈ ગઈ અને બાદમાં આરોપીએ લગ્નની લાલચ આપીને બળાત્કાર ગુજારતા યુવતીએ ન્યાય મેળવવા પોલીસ ફરિયાદ કરતા પોલીસે તપાસ શરૂ કરી છે.

ભોગ બનનાર યુવતી ફેમિલી કોર્ટમાં વકીલાતની પ્રેક્ટિસ કરે છે. આરોપી સાથે એક વર્ષ પહેલાં યુવતીની ઇન્ટર્નશિપ દરમિયાન મુલાકાત થઈ હતી. તે સમયે ભોગ બનનાર યુવતી સિનિયર વકીલ સાથે કામ કરતી હતી ત્યારે જેતલપુરનું એક દંપતી આ યુવતીના સિનિયર એડવોકેટ પાસે છૂટાછેડા માટે આવ્યું હતું. જે મેટર ચાલતી હતી તે દરમિયાનમાં છૂટાછેડા માટે આવેલા યુવકે આ વકીલ યુવતી સાથે નંબરની આપ લે કરી હતી.. બને વચ્ચે કેસને લાગતી વાતો થતી હતી ત્યારે યુવકે મહિલા વકીલ યુવતીને કહ્યું કે તેમના સિનિયર એડવોકેટ પાસે આ છૂટાછેડા કરાવી દેશે તો તે યુવતી સાથે લગ્ન કરશે. યુવકને જાણતી હોવાથી મહિલા વકીલ ને વિશ્વાસ બેઠો હતો. બાદમાં બને વચ્ચે સંબંધો ગાઢ બન્યા અને બાદમાં યુવતીને પંકજે દગો આપી બળાત્કાર ગુજાર્યો.

આરોપી આ યુવતીને અસલાલી પાસે એક ગેસ્ટ હાઉસમાં લઈ ગયો અને ત્યાંના ફૂટેજ અને અન્ય પુરાવા મેળવી હવે પોલીસે આરોપીની ધરપકડ કરી તપાશ શરૂ કરી છે. ત્યારે પ્રેમમાં પાગલ બનતી યુવતીઓએ આ કિસ્સા પરથી શીખ મેળવવી જરૂરી બની રહેશે.