બોલીવુડ / પ્લીઝ આવું ના કરશો... થિયેટરમાં ઊભા થઈને રણબીર કપૂરે કરી અપીલ, વીડિયો થયો વાયરલ

• ફિલ્મ બ્રહ્માસ્ત્રએ પહેલા દિવસે ઘણા રેકોર્ડ તોડ્યા
• સોશિયલ મીડિયામાં રણબીર કપૂરનો એક વીડિયો સામે આવ્યો
• રણબીર કપૂરે થિયેટરમાં ઉભા રહીને દર્શકોને કરી ખાસ અપીલ 

બ્રહ્માસ્ત્રએ પહેલા દિવસે બોક્સ ઑફિસના ઘણા રેકોર્ડ તોડી નાખ્યા 

બ્રહ્માસ્ત્રએ પહેલા દિવસે બોક્સ ઑફિસના ઘણા રેકોર્ડ તોડી નાખ્યા છે. ફિલ્મની રીલીઝ પહેલા સોશિયલ મીડિયામાં ફિલ્મને બોયકોટ કરવાનો ટ્રેન્ડ ચાલી રહ્યો હતો. તેમ છતા ફિલ્મને શાનદાર ઓપનિંગ મળી છે. આ ફિલ્મને બનાવવામાં લગભગ પાંચ વર્ષનો સમય લાગ્યો છે. હવે રણબીર કપૂરનો એક વીડિયો સોશિયલ મીડિયામાં વાયરલ થઇ રહ્યો છે. આ વીડિયોમાં રણબીર કપૂર જાતે થિયેટર પર ઉભા થઇને પ્રશંસકોને ખાસ અપીલ કરી રહ્યાં છે.  

રણબીર કપૂરે થિયેટરમાં ઉભા રહીને દર્શકોને કરી ખાસ અપીલ 

સોશિયલ મીડિયામાં વાયરલ થયેલા એક વીડિયોમાં જોવા મળી રહ્યું છે કે રણબીર કપૂર થિયેટરમાં ઉભા છે. તેમના હાથમાં માઈક છે અને દર્શકો જોરજોરથી તેમને ચીયર કરી રહ્યાં છે. ફિલ્મ શરૂ થતા પહેલા અભિનેતા પ્રશંસકોનુ અભિવાદન કરી રહ્યાં છે. ત્યારબાદ રણબીર થિયેટરમાં ઉપસ્થિત રહેલા દર્શકોને અપીલ કરી રહ્યાં છે કે ફિલ્મના કોઈ પણ સ્પૉયલર સોશિયલ મીડિયામાં બિલ્કુલ શેર ના કરશો. રણબીર કપૂર કહે છે, મારી માત્ર એક રિકવેસ્ટ છે, જે થોડા સ્પૉયલર છે, આ ફિલ્મને પ્લીઝ સોશિયલ મીડિયામાં ના મુકશો. કારણકે જે દર્શકોએ ફિલ્મ જોઈ નથી તેમને તેનો અનુભવ લેવા દો. 

#RanbirKapoor request to all the fans not to post spoilers who watching #Brahmastra today pic.twitter.com/PIle9WtW2I

— k🚬 (@itsKabir16) September 8, 2022

પહેલા દિવસે થઈ આટલી કમાણી

બ્રહ્માસ્ત્ર વર્ષ 2022ની સૌથી મોટી ઓપનિંગવાળી ફિલ્મ બની ગઇ છે. અનુમાન મુજબ, પહેલા દિવસે ફિલ્મે 36.50 કરોડ રૂપિયાથી 38.50 કરોડ રૂપિયાનુ કલેકશન કર્યુ છે. હિન્દી સિવાય ફિલ્મને સાઉથમાં પણ સારો રિસ્પોન્સ મળ્યો છે. ફિલ્મે આંધ્ર પ્રદેશ અને તેલંગાણામાં 5.80 કરોડ રૂપિયાનુ કલેક્શન કર્યુ છે. આની પહેલા ધૂમ 3એ સાઉથમાં સૌથી વધુ કલેક્શન કર્યુ હતુ. તો બીજા દિવસે એટલેકે શનિવારનુ એડવાન્સ બુકિંગ પણ ખૂબ મજબૂત છે. ટ્રેડ એનાલિસ્ટ સુમિત કાદેલ મુજબ ફિલ્મ બીજા દિવસે પણ 30 કરોડથી વધુનુ કલેક્શન કરી શકે છે.