થોડા દિવસ પહેલા જ રણવીર સિંહેએ વાતનો ખુલાસો કર્યો હતો કે તેની પત્ની અને એક્ટ્રેસ દીપિકા પાદુકોણ તેના એક્સ બૉયફ્રેન્ડ સાથે કામ કરે તો તેની સામે કોઇ વાંધો નથી, કારણ કે તેના કરતા વધારે પ્રેમ તેને કોઇ કરી શકે જ નહીં. આ વચ્ચે દીપિકા પાદુકોણ અને રણબીર કપૂરની કૉફી ડેટના ફોટોઝ સોશ્યલ મીડિયા પર વાયરલ થઇ રહી છે.
[DNA After Hrs] Sneak Peek at Deepika Padukone and Ranbir Kapoor's new ad where they will be seen sipping coffee ☕️☕️ pic.twitter.com/1GCayqNzEJ
વાસ્તવમાં દીપિકા અને રણબીર એક એડ ફિલ્મ માટે કામ કરી રહ્યા છે અને આ ફોટોઝ તેની જ છે. જેમાં એક ફોટોમાં બંને એકબીજામાં ખોવાયેલા જોવા મળ્યા જ્યારે બીજી ફોટોમાં તેઓ કોફીને મજા લેતા જોવા મળી રહ્યા છે. જ્યારે દીપિકા તેના એક્સ બોયફ્રેન્ડ રણબીર કપૂરની સાથે સ્ક્રીન પર જોવા મળે છે, ત્યારે તેના ફેન્સની નજર તેના પર છે.
થોડા દિવસ પહેલા સમાચાર સામે આવ્યા હતા કે દીપિકા અને રણબીરને એક ફિલ્મની ઓફર અપાઇ હતી જોકે બંનેએ આ ફિલ્મ નકારી હતી. પરંતુ આ ફોટોઝ જોઇને લાગે છે કે તેઓ ફરી એકસાથે પડદા પર જોવા મળી શકે છે.
દીપિકા પાદુકોણ ડિરેક્ટર મેઘના ગુલઝારની ફિલ્મ 'છપાક'માં જોવા મળશે. આ ફિલ્મમાં તેની ઓપિઝિટ વિક્રાંત મેસી જોવા મળશે તો રણબીર કપૂર અયાન મુખર્જીની ફિલ્મ 'બ્રહ્માસ્ત્ર'માં જોવા મળશે. આ ફિલ્મમાં પહેલી વખત રણબીર ગર્લફ્રેન્ડ આલિયા સાથે ઓન સ્ક્રીન શૅર કરશે. આ સિવાય રણબીર 'શમશેરા' અને લવ રંજનની ફિલ્મમાં કામ કરી રહ્યો છે.
રણબીર કપૂર અને દીપિકા પાદુકોણ વચ્ચે ઘણા સમય સુધી અફેર રહ્યુ હતુ. જોકે રણબીર કેટરિના તરફ ઝૂકતા બંને વચ્ચે બ્રેકઅપ થયુ હતુ. તે બાદ ફિલ્મ 'રામ લીલા' ના સેટ દીપિકા-રણવીર વચ્ચે પ્રેમ પાંગર્યો હતો અને 6 વર્ષ સુધી રિલેશનમાં રહ્યા પછી તેમણે ઇટલીમાં લગ્ન કર્યા હતા.