રામસેતુ / ગીત 'જય શ્રી રામ' નાં લોન્ચિંગ પહેલાં અક્ષય કુમારે ઊતાર્યાં બૂટ, સુંદરકાંડનાં દુહાનું આ સોન્ગમાં થયું છે ખોટું ઉચ્ચારણ

• ગીતનાં લોન્ચિંગમાં મુંબઇ પહોંચ્યા અક્ષયકુમાર
• બૂટ ઉતારી કર્યું રામસેતુના ગીતનું લૉન્ચિંગ
• ગીતના શબ્દોના ઉચ્ચારણથી લોકો થયા નારાજ

રામસેતુ:  અક્ષયકુમારની આવનારી ફિલ્મ 'રામસેતુ' આજકાલ ખુબ ચર્ચામાં છે. ત્યારે ફિલ્મ સેન્સર બોર્ડ તરફથી આ મૂવીને UA પ્રમાણપત્ર પણ આપી દેવામાં આવ્યું છે. જાણકારી અનુસાર ફિલ્મનાં કેટલાક આપત્તિજનક ડાયલોગને બદલવા સિવાય સેન્સર બોર્ડે આ ફિલ્મની શરૂઆતમાં દેખાડવામાં આવેલા ડિસ્ક્લેમરનો સમયગાળો વધારવા પણ આદેશ આપ્યો છે. આ તમામ વચ્ચે મુંબઇમાં ફિલ્મનાં એક નવાં ગીતને અક્ષય કુમારે પોતાના ફેન્સ વચ્ચે લોન્ચ કર્યો જે ખુબ ચર્ચામાં છે. 

Aap sabke liye humara ye #DiwaliSpecial#JaiShreeRam Anthem Out Now.#RamSetu. 25th October. Only in Theatres.https://t.co/kvToYN0bvX

— Akshay Kumar (@akshaykumar) October 20, 2022

અક્ષય કુમાર બૂટ ઉતારી સ્ટેજ પર ચડ્યાં
પોતાની નવી ફિલ્મ રામસેતુના નવા ગીતને લોન્ચ કરવા અક્ષયકુમાર સ્ટેજ પર પોતાના બૂટ કાઢીને ચડ્યાં છતાં પણ લોકોએ આપત્તિ દેખાડી. આ ગીતમાં સુંદરકાંડનાં 57માં દોહાનું ઉચ્ચારણ ખોટી રીતે કર્યું હોવા પર લોકોએ આપત્તિ દર્શાવી હતી. આ ગીત શરૂ કર્યા પહેલા અક્ષયકુમારે ગીતના ગાયકને સ્ટેજ પર બોલાવવા પણ કહ્યું પરંતુ કાર્યક્રમના આયોજકોએ કાર્યક્રમનો પૂરો ફોકસ અક્ષય કુમાર પર જ રાખ્યું અને ગાયક - સંગીતકાર વિક્રમ મોંટરોસને મંચ પર બોલાવ્યા જ નહીં.

શબ્દોના ખોટા ઉચ્ચારણે પાડ્યો નકારાત્મક પ્રભાવ
ગોસ્વામી તુલસીદાસ રચિત શ્રીરામચરિતમાનસમાં લંકા જવા માટે સમુદ્ર પાસેથી રસ્તો માંગતા ભગવાન રામ ક્રોધિત થાય છે તે પ્રસંગના દોહાને લેવામાં આવ્યું છે. જે લાઇનને રામસેતુ ફિલ્મના આ ગીતનાં ગાયક વિક્રમ મોંટરોસે 'જલધિ'ના બદલે 'જલધી'નો ઉચ્ચારણ કર્યો છે જેના લીધે ફેન્સ નારાજ થયાં છે. ટ્રેલર પર આવેલ સકારાત્મક પ્રતિભાવો આ ગીતનાં લીધે નકારાત્મક પ્રતિભાવોમાં બદલાતાં જોવા મળી રહ્યાં છે. 

દિવાળીનાં એક દિવસ પહેલાં થશે રીલિઝ
ફિલ્મ રામસેતુ દિવાળીના આગલા દિવસે રીલિઝ થવાની છે. અક્ષયકુમારની 'સૂર્યવંશી' પછીની તમામ ફિલ્મો, 'બચ્ચન પાંડે', 'સમ્રાટ પૃથ્વીરાજ' અને 'રક્ષાબંધન' બૉક્સ ઑફિસમાં ફ્લોપ રહી છે. ત્યારે જોવાનું છે કે આવનારી ફિલ્મ 'રામસેતુ' બોક્સ ઑફિસ પર કેવી ધમાલ મચાવે છે. આ સિવાય ઇમરાન હાશ્મી સાથે 'સેલ્ફી', ટાઇગર શ્રોફ સાથે 'બડે મિયાં છોટે મિયાં' , 'ઓ માય ગૉડ 2' વગેરે જેવી ફિલ્મોનાં રિમેક પણ આવનારા સમયમાં સિનેમાઘરોમાં દેખાશે.