રામાનંદ સાગરની રામાયણ દૂરદર્શન પર રિ-ટેલિકાસ્ટ કરવામાં આવી છે અને આ એતિહાસિક શોએ ફરી એકવાર ટીઆરપીના રેકોર્ડ તોડી દીધા છે. ત્યારે ફરી એકવાર રામાયણના કલાકારો ચર્ચામાં આવી ગયા છે અને જે કલાકારો ફિલ્મો અને ટેલિવિઝનથી દૂર થઈ ગયા એ પણ લાઈમલાઈટમાં આવી ગયા છે.
રામાયણે ટીઆરપીના રેકોર્ડ તોડ્યા
રામાયણ ફરી પ્રસારિત થવાથી શોના કલાકારો ચર્ચામાં આવ્યા
રામાયણના અન્ય કલાકારોની જેમ હવે આ શોમાં લવ કુશનો રોલ પ્લે કરનારા એ સમયના બાળ કલાકાર હવે મોટા થઈ ગયા છે. રામાયણમાં લવ કુશનો રોલ બે મરાઠી છોકરાઓએ નિભાવ્યો હતો.
તમને જણાવી દઈએ કે, રામાયણમાં લવ અને કુશની ભૂમિકા અભિનેતા સ્વપ્નિલ જોશી અને મયૂરેશ ક્ષત્રદેએ નિભાવી હતી. જોકે, આ બંનેમાંથી એક કલાકાર અત્યારે મરાઠી ઈન્ડસ્ટ્રીનો લોકપ્રિય અભિનેતા અને બીજો કલાકાર ન્યૂજર્સીમાં સારી પોસ્ટ પર કામ કરી રહ્યો છે.
સ્વપ્નિલ જોશી 'મિતવા' અને 'દિશવારી' જેવી લોકપ્રિય ફિલ્મોમાં કામ કરી ચૂક્યો છે. જ્યારે તેણે કૃષ્ણા સીરિયલમાં કૃષ્ણનું પાત્ર પણ ભજવ્યું હતું અને લોકપ્રિય થયો હતો.કુશની ભૂમિકા નિભાવનાર મયૂરેશ વિદેશમાં રહે છે અને એક પ્રાઈવેટ કંપનીમાં અધ્યક્ષ અને સીઈઓ તરીકે કામ કરે છે.
આ અગાઉ તેણે આ જ ક્ષેત્રની કેટલીક નામાંકિત કંપનીઓ માટે મેનેજિંગ ડિરેક્ટરનું પદ સંભાળી ચૂક્યું છે. તેઓ એક અદભૂત લેખક પણ છે અને એવું કહેવાય છે કે તેણે અન્ય બે વિદેશી લેખકો સાથે 'સ્પાઈટ એન્ડ ડેવલપમેન્ટ પુસ્તક લખ્યું હતું.