IPLIN
 

થલાઇવી / રામ ગોપાલ વર્માએ કંગનાની માંગી માફી કહ્યું, હું તને સલામ કરુ છુ અને હોલીવૂડ...

Team VTV 09:22 AM, 25 Mar 21
Follow us
Ram Gopal Varma apologizes to Kangana

બોલીવૂડ એક્ટ્રેસ કંગના રનૌત હાલમાં ખાસી ચર્ચામાં છે. તેને ચોથી વાર બેસ્ટ એક્ટ્રેસનો ઍવોર્ડ મળ્યો છે અને રામ ગોપાલ વર્માએ પણ તેની માફી માંગી છે. 

  • થલાઇવીનું ટ્રેલર થયુ રિલીઝ
  • રામ ગોપાલ વર્માએ માંગી કંગનાની માફી
  • હોલીવૂડની હસ્તીઓ સાથે કરી તુલના

થલાઇવીનું ટ્રેલર થયુ રિલીઝ 
કંગનાની મોસ્ટ અવેઇટેડ ફિલ્મ થલાઇવીનું ટ્રેલર રિલીઝ થયુ છે અને તેને જોઇને રામ ગોપાલ વર્માએ કંગનાની ખુબ પ્રશંસા કરી સાથે જ તેની માફી પણ માંગી અને કહ્યું કે, દુનિયામાં તેના જેવી બહુમુખી પ્રતિભાવાળી એક્ટ્રેસ કોઇ નથી. 

 

 

રામ ગોપાલ વર્માએ કરી ટ્વીટ 
રામ ગોપાલ વર્માએ ટ્વિટ કરીને લખ્યુ કે, કંગના...હું કેટલીક વાતોમાં અને કંઇક અતિશયોક્તિ પર તમારી સાથે અસહમત થઇ શકુ છુ પરંતુ હુ તમને સલામ કરુ છુ. સુપર ડુપર થલાઇવી માટે... ફિલ્મનું ટ્રેલર શાનદાર છે અને હું કહી શકુ છુ કે સ્વર્ગમાં જયલલિતા પણ આ ટ્રેલર જોઇને રોમાંચિત થઇ ગયા હશે. 

 

 

કંગના જે મજબૂત ઓપિનીયન રાખે છે તેને ખરાબ પ્રતિક્રિયાનો સામનો પણ કરવો પડે છે. હું તે સ્વિકાર કરવા માંગુ છુ કે મેં ત્યારે થોડુ વધારે જ બોલી દીધુ હતુ જ્યારે તમે હોલીવૂડની મહાન હસ્તીઓ સાથે પોતાની તુલના કરી હતી પરંતુ હવે હું તમારી માફી માંગુ છુ અને તે વાતથી સહમત થાઉ છુ કે આ દુનિયામાં તમારા જેવી બહુમુખી પ્રતિભાવાળી એક્ટ્રેસ નથી. 

કંગનાએ આપ્યો જવાબ
રામ ગોપાલ વર્માની વાત પર કંગનાએ લખ્યું કે, સર...હું તમારી વાતથી સહમત છું. મને તમે ખુબ પસંદ છો અને હું તમારી હંમેશાથી પ્રશંસા કરતી આવી છુ. અહંકારથી ભરેલી આ મૃત દુનિયામાં જ્યા લોકોનો ઇગો અને પ્રાઇડ બહુ જ જલ્દી ઘાયલ થઇ જાય છે ત્યાકે તમે કોઇ વાતને ગંભીરતાથી નથી લેતા. તમે તમારી જાતને પણ ગંભીરતાથી નથી લેતા. તમારી આ ખૂબીની હું પ્રશંસા કરુ છુ. મારી પ્રશંસા કરવા માટે ધન્યવાદ. 

રામ ગોપાલ વર્મા Kangana Ranaut Bollywood News Thalaivi
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ