VIDEO: રિંગમાં ઉતરેલી રાખી સાવંતને મહિલા પહેલવાને પટકી કમરમાં ઇજા

બોલીવુડની જાણીતી અદાકારા રાખી સાવંત પંચકૂલાના તાઉ દેવીલાલ સ્ટેડિયમમાં આયોજિત CWE રેસલિંગ પ્રોગ્રામમાં પહોચી. ત્યાં રાખી સાવંતનો મુકાબલો મહિલા રેસલર સાથે થતાં રાખી સાવંતની કમર ભાગી ગઈ અને અને સારવાર માટે હોસ્પિટલ ખસેડવામાં આવી. 

મહિલા રેસલરે રાખી સાવંતને ખભે ઉંચકીને પછાડતા રાખીની કમર તૂટી ગઈ. મહિલા રેસલર રોબેલે રાખી સાવંતને પોતાના ખભે ઉંચકી લીધી અને બાદમાં નીચે પટકી.



જે રીતે WWFમાં જોવા મળે છે એવા જ દ્રશ્યો કંઈ રાખી સાથે પણ જોવા મળ્યા. આ ચેમ્પિયનશિપ દરમિયાન મહિલા રેસલર રોબેલે જ્યારે પંચકૂલાની મહિલાઓને પડકાર ફેંક્યો તો રાખી સાવંતે આ પડકાર ઝીલ્યો પણ રાખીને આ પડકાર ભારે પડ્યો. 

રોબેલે ચેલેન્જ ફેંકી કે જો પંચકૂલાની કોઈ પણ મહિલામાં દમ હોય તો મારી સાથે મુકાબલો કરે. પહેલા રોબેલે રાખી સાવંત સાથે ડાન્સ કર્યો. રાખી સાવંતે રોબેલ સામે ડાન્સની ચેલેન્જ ફેંકી તો રોબેલે તે ચેલેન્જ પૂરી કરી અને બાદમાં તેને ઉંચકીને પટકી દીધી. રાખીને પટકતા તેની કમર ભાગી ગઈ અને તાત્કાલિક તેને સારવાર માટે જીરકપુર હોસ્પિટલ ખસેડવામાં આવી.