- રાજ્યસભા માટે આટલા સાંસદો બિનહરીફ ચૂંટાયા
- 10 જૂને થવાની રાજ્યસભા માટે ચૂંટણી
- 15 રાજ્યોની 57 સીટો પર થવાનું છે મતદાન
સંસદના ઉપલા ગૃહ એટલે કે રાજ્યસભામાં 10 જૂને ચૂંટણી થવાની છે. પણ આ અગાઉ ઉત્તર પ્રદેશમાંથી ભાજપના તમામ 8 ઉમેદવારો બિનહરીફ ચૂંટાઈ આવ્યા છે, તો વળી સમાજવાદી પાર્ટી તરફથી કપિલ સિબ્બલ, જયંત ચૌધરી અને જાવેદ અલી પણ ચૂંટાઈ આવ્યા છે. સપાએ જયંત ચૌધરીને રાજ્યસભામાં મોકલીને લોકસભા માટે સપા-રાલોદ ગઠબંધન મજબૂત કરવા માટેનું પ્રથમ પગથિયુ પાર પાડી લીધું છે. કોંગ્રેસ ઉમેદવાર રાજીવ શુક્લા અને રંજીત રંજન છત્તસીગઢમાંથી રાજ્યસભાના બિનહરીફ સાંસદ તરીકે ચૂંટાઈ આવ્યા છે.
ભાજપના બિનહરીફ સાંસદો
- સુરેન્દ્ર નાગર
- લક્ષ્મીકાંત બાજપેયી
- રાધામોહન દાસ અગ્રવાલ
- દર્શના સિંહ
- સંગીતા યાદવ
- કે લક્ષ્મણ
- મિથિલેશ કુમાર
- બાબૂ રામ નિષાદ
મધ્ય પ્રદેશથી બિનહરીફ ચૂંટાયા તન્ખા, સુમિત્રા અને કવિતા
વરિષ્ઠ વકીલ અને કોંગ્રેસ નેતા વિવેક તન્ખા, ભાજપના મહિલા નેતા કવિતા પાટીદાર અને સુમિત્રા વાલ્મિકીને મધ્ય પ્રદેશમાંથી રાજ્યસભા સાંસદ તરીકે બિનહરીફ ચૂંટવામાં આવ્યા છે. તન્ખા રાજ્યસભામાં સતત બીજી વાર બિનહરીફ ચૂંટાયા છે. જ્યારે વાલ્મિકી અને પાટીદાર બંને રાજ્યસભામાં પહેલી વાર જશે. મધ્ય પ્રદેશની ત્રણ ખાલી સીટ માટે કોઈ અન્ય ઉમેદવારે ઉમેદવારી પત્ર ભર્યું નહોતું. જ્યારે આજે ઉમેદવારી પાછી ખેંચવાનો છેલ્લો દિવસ હતો.
ભાજપે 2023ની વિધાનસભા ચૂંટણીની તૈયારી કરી લીધી
સૂત્રોએ કહ્યું હતું કે, મધ્ય પ્રદેશમાંથી પાટીદાર અને વાલ્મિકીને રાજ્યસભામાં મોકલીને ભાજપે 2023ની મધ્ય પ્રદેશ વિધાનસભા ચૂંટણીને ધ્યાને રાખીને ઓબીસી અને દલિત કાર્ડ ખેલ્યું છે. પાટીદાર પહેલા મધ્ય પ્રદેશ મહિલા મોર્ચાના સભ્ય તરીકે કામ કરી ચુક્યા છે. તો વળી વાલ્મિકી ત્રણ વાર જબલપુર નગર નિગમના કોર્પોરેટ અને એક વાર એલ્ડરમેન રહી ચુક્યા છે. તન્ખા હાલામં રાજ્યસભાના સભ્ય છે અને તેમનો કાર્યકાળ આગામી મહિને પુરો થઈ રહ્યો હતો.
આપને જણાવી દઈએ કે, દેશના 15 રાજ્યોની 57 સીટો પર આગામી 10 જૂનના રોજ ચૂંટણી યોજાવાની છે. તેમાંથી રાજસ્થાનમાંથી ચાર, મહારાષ્ટ્રની છ, કર્ણાટકની ચાર અને હરિયાણાની બે બે સીટો પર ચૂંટણી થવાની છે. પરિણામ 10 જૂનના રોજ આવી જશે.
