ઉમેદવારી / કોંગ્રેસમાં આંતરિક વિખવાદ બાદ રાજ્યસભા ચૂંટણી માટે ગુજરાતમાંથી આખરે આ 2 નામ પર મહોર

• રાજ્યસભાની ચૂંટણી પહેલા કોંગ્રેસમાં ધમધમાટ
• ગુજરાત રાજ્યસભાના 2 ઉમેદવારોની સત્તાવાર જાહેરાત
• શક્તિસિંહ અને ભરતસિંહને અપાઇ ઉમેદવારી

રાજ્યસભા ચૂંટણીમાં ઉમેદવારીને શુક્રવાર અંતિમ દિવસ છે. ત્યારે શક્તિસિંહ ગોહિલ અને ભરતસિંહ સોલંકીને કોંગ્રેસે રાજ્યસભાની ચારમાંથી બે સીટ મેદાને ઉતાર્યા છે. મહત્વનું છે કે, સાથે હરિયાણાના દિપેન્દરસિંહ હુડ્ડાના નામની જાહેરાત પણ કરી છે. આમ અનેક વિખવાદ બાદ ગુજરાત કોંગ્રેસના 2 ઉમેદવારની સત્તાવાર જાહેરાત કરવામાં આવી છે.

Congress releases another list of its candidates for elections to the Rajya Sabha. Shaktisinh Gohil & Bharatsinh Solanki to contest from Gujarat. Deepender Singh Hooda to contest from Haryana. pic.twitter.com/oDpcE6uClK

— ANI (@ANI) March 12, 2020

ભાજપે જાહેર કરેલાં નામો જોઈ કોંગ્રેસ પીઢ અને લાંબુ ખેડેલાં નેતાઓને ઉતારી બે સીટ જીતવાનું પ્લાનિંગ કરી લીધું. જોકે અગાઉ શક્તિસિંહ અને રાજીવ શુક્લાના નામની જોરશોરથી ચર્ચા ચાલતી હોવાથી ગુજરાત કોંગ્રેસમાં બળવાના એંધાણ થયા હતા. ગુજરાત કોંગ્રેસના 30થી વધુ ધારાસભ્યો નારાજ હોવાની વાત આવતાં જ મોવડી મંડળે ફેરફાર કરી ગુજરાત કોંગ્રેસના અધ્યક્ષ રહી ચૂકેલા ભરતસિંહ સોલંકી અને બિહાર કોંગ્રેસના પ્રભારી શક્તિસિંહ ગોહિલને રાજ્યસભાના ઉમેદવાર જાહેર કર્યા છે.

કોંગ્રેસે અગાઉ 9 નામોની યાદી કરી છે જાહેર

કોંગ્રેસે રાજ્યસભાના ઉમેદવાર જાહેર કર્યા : મહારાષ્ટ્રથી રાજીવ સાતવ, રાજસ્થાનથી કે.સી વેણુગોપાલ અને નીરજ ડાંગી, હરિયાણાથી દિપેન્દ્ર હુડ્ડા@INCIndia
#Rajasthan #Haryana #Maharashtra #RajyaSabhaElections #rajyasabhaelection2020 @shaktisinhgohil @INCSandesh @INCGujarat pic.twitter.com/S9POInPj9g

— VTV Gujarati News and Beyond (@VtvGujarati) March 12, 2020

ભાજપનાં 3 અને કોંગ્રેસના 1 સભ્યની મુદ્દત પુરી થઇ રહી છે

રાજ્યમાં રાજ્યસભાની 4 બેઠકો માટે માર્ચમાં ચૂંટણી યોજાશે. આગામી 26 માર્ચે રાજ્યસભાની 4 બેઠકો માટે મતદાન યોજાશે. ત્યારબાદ 26મી માર્ચે જ મતગણતરી કરવામાં આવશે. આ વર્ષે ભાજપનાં 3 અને કોંગ્રેસના 1 સભ્યની મુદ્દત પુરી થઇ રહી છે.