ચૂંટણી / જે કોંગ્રેસ MLA પક્ષ વિરુદ્ધ મતદાન કરશે તેને ભોગવવાનો વારો આવશે: શૈલેષ પરમાર

ધારાસભ્ય શૈલેષ પરમારે જણાવ્યું કે, કોંગ્રેસ પક્ષ આકરા મુડમાં છે. જે કોંગ્રેસ ધારાસભ્ય પક્ષ વિરુદ્ધ મતદાન કરશે તેને ભોગવવાનો વારો આવશે. રાજ્યસભાની ચૂંટણીમાં ભાજપમાંથી વિદેશ મંત્રી એસ. જયશંકર સામે કોંગ્રેસમાંથી ગૌરવ પંડ્યા ચૂંટણી લડી રહ્યા છે. 

જ્યારે ચંદ્રિકાબેન ચુડાસમાએ જણાવ્યું કે, કોંગ્રેસના તમામ ધારાસભ્યો મતદાન કરશે અને પરિણામ આવ્યા બાદ કોર્ટમાં અમે ન્યાયની માગણી કરીશું. તો ગૌરવ પંડ્યાએ પણ કોંગ્રેસના તમામ ધારાસભ્યો મતદાન કરશે તેવી આશા વ્યક્ત કરી છે. 

જ્યારે ભાજપના જુગલજી ઠાકોર સામે કોંગ્રેસમાંથી ચંદ્રિકાબેન ચુડાસમા ચૂંટણી લડી રહ્યા છે. તો કોંગ્રેસના શૈલેષ પરમાર પાર્ટીના ઓથોરાઈઝ્ડ ઓબ્ઝર્વર રહેશે અને મતદાન કરનાર ધારાસભ્યોએ શૈલેષ પરમારને બેલેટ બતાવવાનું રહેશે.