રાજકોટ મહાનગરપાલિકામાં ભાજપની ભવ્ય જીત બાદ આજે મેયર સહિતના ડે. મેયર, સ્ટેન્ડિંગ કમિટિના ચેરમેન અને અન્ય પદો પર વરણી કરવામાં આવી હતી. આવો જાણીએ કોના કોના નામ થયા જાહેર
રાજકોટના મેયર બન્યા પ્રદીપ ડવ
દર્શિતાબેન શાહ બન્યા ડેપ્યુટી મેયર
RMCના સ્ટેન્ડિંગ કમિટીના ચેરમેન બન્યા પુષ્કર પટેલ
રાજકોટના મેયર પદે પ્રદીપ ડવની વરણી થઈ છે જ્યારે રાજકોટના ડેપ્યુટી મેયર પદે દર્શીતાબેન શાહ અને રાજકોટમાં સ્ટેન્ડિંગના ચેરમેન તરીકે પુષ્કર પટેલને નિમણૂંક કરવામાં આવ્યા છે.
રાજકોટમાં શાસક પક્ષના નેતા તરીકે વિનુભાઈ ધવા તેમજ રાજકોટ મનપાના દંડક તરીકે સુરેન્દ્રસિંહ વાળાની પસંદગી કરવામાં આવી છે.
21 ફેબ્રુઆરીએ રાજકોટના 18 વોર્ડમાં 50.75 ટકા મતદાન થયું. જ્યારે 23 ફેબ્રુઆરીએ રાજકોટ મનપાનુ પરિણામ જાહેર થયું હતું. ત્યારે 293 ઉમેદવારના ચૂંટણી મેદાને હતા. રાજકોટ મનપામાં કુલ 72 માંથી 68 બેઠકો પર ભાજપની જીત થઇ છે.
રાજકોટમાં 72 બેઠકોમાંથી 68 બેઠકો પર ભાજપ અને 4 બેઠકો પર કોંગ્રેસની જીત થઇ છે.