ગુનાખોરીમાં હબ બનેલા રાજકોટ શહેરમાં ફરી એક વાર દુપટ્ટા ગેંગનો આંતક સામે આવ્યો છે. શહેરના હાર્દ સમાન વિસ્તાર ગણાતા એવા યાજ્ઞીક રોડ પર આવેલા સર્વેશ્વર ચોકમા 20 હજાર રોકડની ચોરીનો બનાવ સામે આવ્યો છે.
આ ચોરીની સમગ્ર ઘટના સીસીટીવીમા કેદ થઈ છે. સીસીટીવીમાં સપષ્ટ પણે જોઈ શકાય છે કે કઈ રીતે 6 મહિલાઓ પાણી પીવાના બહાને આઈસ્ક્રિમ પાર્લરમા જબરદસ્તીથી ઘુસે છે. બાદમાં કર્મચારીને બીજી વાતોમાં વ્યસ્ત રાખીને અન્ય મહિલાઓએ પોતાની સાડીનો પાલવ ફેલાવી અન્ય સાથી મહિલાને ચોરી કરવામાં મદદ કરી. આ મામલે શહેરના એ ડિવીઝન પોલીસે ફરિયાદ નોંધીને વધુ તપાસ હાથ ધરી છે.