રાજકોટ: આંગડિયા પેઢીનો કર્મચારી લૂંટાયો પોલીસે CCTV ફૂટેજના આધારે હાથ ધરી તપાસ

રાજકોટમાં આંગડિયા પેઢીનો કર્મચારી લૂંટાયો છે. શહેરના લીંબડા ચોક વિસ્તારમાં સોના-ચાંદીના ઘરેણાની લૂંટ થયાની ઘટના સામે આવી છે. બે શખ્સો દ્વારા આંગડીયા પેઢીના કર્મચારીને ધક્કો મારીને સોના-ચાંદીના દાગીના ભરેલી બેગ લઇને ફરાર થઇ ગયા.

આ બેગમાં 20 લાખથી વધુનો મુદ્દામાલ હોવાની શક્યતા છે. લીંબડા ચોકની આ સમગ્ર ઘટના CCTVમાં કેદ થતાં પોલીસે તેના ધારે વધુ તપાસ હાથ ધરી છે.

મળતી માહિતી મુજબ સોરઠીયા વાડી પાસે આવેલ અક્ષર આંગડિયાના બે કર્મચારીઓ સુરત મોકલવાના મુદ્દામાલ લઇને લીમડા ચોક ગયા હતા જ્યા તેઓ ખાનગી બસમા જવાની તૈયારી કરી રહ્યા ત્યારે બે અજાણ્યા શખ્સો થેલો લઇને નાસી છૂટયા હતા.