રાજકોટ / ખારેક ખવડાવવાના બહાને 8 વર્ષની બાળકી સાથે દુષ્કર્મ

રાજ્યમાં છેલ્લા કેટલાક સમયથી માસૂમ દીકરીઓ પર દુષ્કર્મની ઘટના વધી ગઈ છે. સુરતમાં તાજેતરમાં જ 6 વર્ષની બાળકી સાથે શિવનાથ નામના એક પાડોશીએ જ દુષ્કર્મ આચર્યું હતું. આ પાડોશીએ બાળકીને ચોકલેટ આપવાની લાલચ આપીને લઈ ગયો હતો. 

તો બીજી તરફ રાજકોટમાં પણ 8 વર્ષની બાળા સાથે શામજી નામના એક શખ્સે ખારેક આપવાની લાલચ આપીને દુષ્કર્મ આચર્યું છે. ત્યારે VTV પણ વાલીઓને અપીલ કરી રહ્યું છે કે તમારી દીકરીઓને સાચવો અને સમાજમાં ફેલાયેલા આ હવસખોર દુશ્મનોને ઓળખો.

આ દુશ્મનો અન્ય કોઈ નહીં પણ તમારી આસપાસના જ હોય છે. જે તમારી ફૂલ જેવી માસૂમ દીકરીઓની જિંદગી તાર તાર કરી નાખે છે. આ દુશ્મનોને ઓળખવાની જરૂર છે અને બને ત્યાં સુધી કોઈપણ વ્યક્તિને તમારી માસૂમ દીકરીને ન સોંપો. પછી ભલેને તે તમારી આસપાસ રહેતો પાડોશી હોય.