નિર્ણય / આ'તો ભારે કરી! પેટ્રોલ-ડીઝલના ભાવ ઘટાડ્યા તો વીજળીના રૅટ વધાર્યા, જાણો ક્યાં લેવાયો નિર્ણય

• રાજસ્થાન સરકારની મહત્વની જાહેરાત
• પેટ્રોલ અને ડીઝલના ભાવમાં કર્યો ઘટાડો
• તો વીજળીના ભાવમાં કર્યો નજીવો વધારો

નવો ભાવ આજે મધરાતે 12 વાગ્યાથી લાગુ થશે. સીએમ અશોક ગેહલોતે ટ્વિટ કરીને વેટમાં ઘટાડા અંગે જાણકારી આપી હતી. તે જ સમયે, ગેહલોત સરકારે વીજળીના ભાવમાં નજીવો વધારો કર્યો છે. ખરેખર, રાજસ્થાનમાં હવે વીજળી પ્રતિ યુનિટ 33 પૈસા મોંઘી થશે. ગ્રાહકો પાસેથી ફ્યુઅલ સરચાર્જ વસૂલવામાં આવશે.

आज मंत्रिमण्डल की बैठक में पेट्रोल/डीजल पर वैट की दर को कम करने का सर्वसम्मति से निर्णय लिया गया। इसके बाद आज रात्रि 12 बजे से पेट्रोल में 4 रुपये प्रति लीटर तथा डीजल में 5 रुपये प्रति लीटर दरों में कमी हो जायेगी।इससे राज्य सरकार 3500 करोड़ रुपये वार्षिक राजस्व की हानि वहन करेगी।

— Ashok Gehlot (@ashokgehlot51) November 16, 2021

મુખ્યમંત્રીએ ટ્વીટ કરીને આપી જાણકારી 

રાજસ્થાનના સીએમ અશોક ગેહલોતે ટ્વીટ કર્યું છે કે, 'આજે મળેલી કેબિનેટની બેઠકમાં પેટ્રોલ અને ડીઝલ પર વેટના દર ઘટાડવાનો નિર્ણય લેવામાં આવ્યો છે. આજે રાત્રે 12થી પેટ્રોલમાં 4 રૂપિયા પ્રતિ લીટર અને ડીઝલમાં 5 રૂપિયાનો ઘટાડો થશે. આના કારણે રાજ્ય સરકારને વાર્ષિક 3500 કરોડની આવકનું નુકસાન વેઠવું પડશે.

કેન્દ્ર સરકારે આપી છે રાહત 

ભારતના મોટા ભાગના શહેરોમાં પેટ્રોલ 100 રૂપિયા પ્રતિ લિટરને પાર થઈ ગયો છે અને લગભગ રોજ 35 પૈસા મોંઘુ થઈ રહ્યું છે. 4 ઓક્ટોબર 2021થી 25 ઓક્ટોબર સુધી પેટ્રોલની એવરેજ કિંમત 8 રૂપિયા વધ્યું છે. પેટ્રોલ અને ડીઝલની મોંઘવારીનો માર સહન કરી રહેલા લોકોને એક મોટી રાહત આપતા કેન્દ્ર સરકારે પેટ્રોલ અને ડીઝલ પરની એક્સાઈઝ ડ્યુટીમાં મોટો ઘટાડો કરતા પેટ્રોલમાં 5 રુપિયા અને ડીઝલમાં 10 રુપિયા સસ્તું થયું છે.