રાજ્યમાં કાળઝાળ ગરમી પડી રહી છે. ત્યારે અમરેલીના ધારીમાં વાતાવરણમાં અચાનક પલ્ટો જોવા મળ્યો હતો. એકાએક વરસાદી ઝાપટા પડતા ગરમીમાં રાહત થઈ હતી અને વાતાવરણમાં ઠંડક પ્રસરી હતી.
અમરેલીના ધારી પંથકમાં વાતાવરણમાં અચાનક પલટો જોવા મળ્યો હતો. ધારીના ગઢિયા, વીરપુર સહિતના વિસ્તારોમાં વરસાદી ઝાપટું પડ્યું હતું. વરસાદી ઝાપટાને કારણે વાતાવરણમાં ઠંડક પ્રસરી હતી અને લોકોને અસહ્ય ગરમીથી આંશિક રાહત મળી હતી.
જોકે, જિલ્લાના વાતાવરણમાં અચાનક પલટો આવતા તાપમાન ઘટ્યું હતું અને લોકોને ગરમીમાંથી રાહત થઈ છે.
કેરળમાં 24 કલાકમાં આવી શકે છે ચોમાસુ
હવામાન વિભાગે ચોમાસાને લઈને આગાહી કરવામાં આવી છે. જેમાં કેરળમાં 24 કલાકમાં ચોમાસુ બેસશે તેવી આગાહી હવામાન વિભાગે કરી છે. મળતી માહિતી મુજબ કેરળના દરિયાઈ વિસ્તારમાં લો પ્રેશર સિસ્ટમ સર્જાઈ છે. આ લો પ્રેશર સિસ્ટમની દિશા ઉત્તર પૂર્વીય તરફ હોવાનું સામે આવ્યુ છે.