રાજ્યમાં ફરી વરસાદી માહોલ જામ્યો છે. દેવભૂમિ દ્વારાના કલ્યાણપુર, જામખભાળિયા, કચ્છ, જૂનાગઢ, દ્વારકા, છોટાઉદેપુર, તાલાલા, સાબરકાંઠા અને બનાસકાંઠામાં ધોધમાર વરસાદ વરસ્યો હતો. ત્યારે હજુ હવામાન વિભાગે બે દિવસની આગાહી આપી છે. જેને લઇને ગુજરાતના ખેડૂતો ચિંતામાં મુકાયા છે. ત્યારે આજે વરસેલા વરસાદની તારાજીના દ્રશ્યો જુઓ...
જામકલ્યાણપુરમાં આભ ફાટ્યા જેવી સ્થિતિ
વરસાદ થાય તો હમીરસર તૂટવાની શક્યતા
હવામાન વિભાગે બે દિવસની આપી છે આગાહી
દેવભૂમિ દ્વારકાના જામકલ્યાણપુરમાં આભ ફાટ્યા જેવી સ્થિતિ સર્જાઇ છે. 2 કલાકમાં ખાબક્યો 4 ઇંચ જેટલો વરસાદ વરસ્યો હતો. કલ્યાણપુર વિસ્તારોમાં નદી નાળાઓમાં પાણી ભરાયા હતા. વરસાદના પગલે રસ્તાઓ અને કોઝવે પર પાણી ફરી વળ્યાં હતા. તો 2 કલાકમાં નદીઓ બે કાંઠે થતા હરિપર કલ્યાણપુરને જોડતા માર્ગો પર પાણી પણ ફરી વળ્યા હતા.
હમીરસર તળાવની પાળમાં ગાબડું
ભુજના હમીરસર તળાવને લઇને મહત્વના સમાચાર આવ્યા છે. ભારે વરસાદથી હમીરસર તળાવની પાળનું ધોવાણ થયું હતું. વધુ વરસાદ થાય તો હમીરસર તૂટવાની શક્યતા છે. વહીવટી તંત્રએ કામગીરી હાથધરી છે.
કચ્છમાં ધોધમાર વરસાદથી મકાનોમાં પાણી ઘૂસ્યા
ગાજવીજ સાથે સમગ્ર કચ્છમાં ભારે વરસાદની આગાહી વચ્ચે ધોધમાર વરસાદ પડ્યો હતો. ભારે વરસાદથી રસ્તાઓ પર પાણી વહેતા થયા હતા. જ્યારે કેટલાક નીચાણવાળા વિસ્તારોના મકાનોમાં વરસાદી પાણી ઘૂસી ગયા હતા.
જૂનાગઢ જિલ્લામાં ફરી મેઘરાજાનું આગમન
જૂનાગઢ જિલ્લામાં ફરી મેઘરાજાનું આગમન થયું છે. સવારથી આશરે 5 ઈંચ જેટલો માણાવદરના મટિયાણા નજીકના ઘેડના ગામો વરસાદ પડ્યો હતો. પુરની સ્થિતિમાંથી ઉગર્યા બાદ ફરી વરસાદની એન્ટ્રી થઇ હતી. મટિયાણામાં વધુ વરસાદથી ખેડૂતોની ચિંતા વધી ગઇ હતી. એક કલાકમાં 1 ઇંચથી 4 ઇંચ સુધી જૂનાગઢના કેશોદના ગ્રામ્ય પંથકમાં ધોધમાર વરસાદ વરસ્યો હતો. જેમાં બામણાસા, ઘેડ આસપાસના ગામોમાં 1 કલાકમાં 4 ઇંચ વરસાદથી મગફળીના પાકને નુકસાન થયું હતું.
રાજકોટ અને તાલાલાના ગ્રામ્ય પંથકમાં વરસાદ
રાજકોટના ઉપલેટા અને આસપાસના ગ્રામ્ય પંથકમાં પણ વરસાદ થયો હતો. તાલાલાના ગ્રામ્ય વિસ્તારોમાં વરસાદનું આગમન થયું હતું. લાંબા વિરામ બાદ વરસાદની તાલાલામાં પધરામણી હતી. સુરવા, ધાવા, માધુપુર, જામ્બુર સહિતના ગામોમાં વરસાદ પડ્યો હતો.
સાબરકાંઠામાં સાર્વત્રિક ધોધમાર વરસાદ
ઇડરની ખરીદી બજારમાં પાણીના ધસમસતા પ્રવાહમાં કાર તણાઇ ગઇ હતી. વરસાદના પગલે નદી નાળા વહેતા થયા છે. ઇડર, વડાલી, ખેડબ્રહ્મા, ભિલોડા અને વિજયનગરમાં વરસાદ થયો હતો.
બનાસકાંઠામાં વધુ એક વખત ધોધમાર વરસાદ
10 દિવસના વિરામ બાદ ફરી ભારે પવન સાથે પાલનપુર, ડીસા ,વાવ, થરાદ અને અમીરગઢમાં ધોધમાર વરસાદ શરૂ થયો હતો. અડધા કલાકમાં દોઢ ઇંચથી વધારે વરસાદ પડ્યો હતો. નીચાણવાળા વિસ્તારોમાં પાણી ભરાયાં છે.