ગુજરાતના ખેડૂતોનું ચોમાસામાં મેઘરાજાએ અતિવૃષ્ટિ કરી ત્યારે હવે ભરશિયાળે પણ કમોસમી વરસાદની આગાહી થતા ખેડૂતો ચિંતામાં વધારો થઇ શકે છે. ઉત્તર ગુજરાત અને સૌરાષ્ટ્ર સહિતના વિસ્તારોમાં હવામાન વિભાગે વરસાદની આગાહી કરી છે.
23 ડિસેમ્બરે સામાન્ય વરસાદની આગાહી
વરસાદની આગાહીને પગલે ખેડૂતોમાં ચિંતાનો માહોલ
ઉત્તર ગુજરાત અને સૌરાષ્ટ્રમાં વરસાદની શક્યતા
રાજ્યમાં ફરી એક વખત વરસાદની હવામાન વિભાગે આગાહી કરી છે. રાજ્યના અનેક વિસ્તારોમાં 23 ડિસેમ્બરે સામાન્ય વરસાદ થઈ શકે છે. કમોસમી વરસાદની આગાહીને પગલે ખેડૂતોમાં ચિંતાનો માહોલ જોવા મળ્યો છે. ઉત્તર ગુજરાત, સૌરાષ્ટ્ર, બનાસકાંઠા, સાબરકાંઠા, અમરેલીમાં સામાન્ય વરસાદ થાય તેવી શક્યતા છે.
ઠંડીમાં થઇ શકે છે ઘટાડો!
રાજ્યમાં ઠંડીના પ્રમાણમાં ઘટાડો થઈ શકે છે. હવામાન વિભાગનું માનીએ તો રાજ્યમાં હાલ ઉત્તર-પૂર્વ તરફથી પવનો વહી રહ્યા છે. જેના કારણે ઠંડીમાં ચમકરો જોવા મળી રહ્યો છે. જોકે 18 ડિસેમ્બરથી પવનની દિશા બદલાશે જેના કારણે રાજ્યમાં ઠંડીનું પ્રમાણ ઘટશે. અને બેથી ત્રણ દિવસ માટે ઠંડીમાં આંશિક રાહત મળશે. હવામાન વિભાગનું માનીએ તો આજે નલિયા સૌથી ઠંડુ શહેર રહ્યું હતું. નલિયા 8.8 ડિગ્રી સાથે ઠંડુગાર રહ્યું હતું. તો ડીસામાં પણ 9.8 ડિગ્રી તાપમાન નોંધાયું હતું. જ્યારે અમદાવાદમાં 12 ડિગ્રી તાપમાન નોંધાયું હતું.