કોંગ્રેસના પીઢ નેતા રાહુલ ગાંધીનો કોરોના રિપોર્ટ પોઝિટિવ આવ્યો છે. ઉલ્લેખનીય છે કે, આજે સવારે તેમને કોરોનાના સામાન્ય લક્ષણો જણાતા ટેસ્ટ કરાવ્યો હતો જે પોઝિટિવ આવ્યો છે.
કોંગ્રેસ નેતા રાહુલ ગાંધી કોરોના પોઝિટિવ
રાહુલ ગાંધીએ ટ્વીટ કરી જાણકારી આપી
સંપર્કમાં આવેલા લોકોને જરૂરી સાવધાની રાખવા અપીલ
કોરોના પોઝિટિવ હોવાની જાણ રાહુલ ગાંધીએ ટ્વીટ કરીને આપી હતી. તેમણે લખ્યું કે, તાજેતરમાં તેમના સંપર્કમાં જે લોકો આવ્યા હોય તેઓ સુરક્ષા પ્રોટોકોલનું પાલન કરે અને સુરક્ષિત રહે.
24 કલાકમાં કોરોનાના 2 લાખ 56 હજાર 596 નવા મામલા
દેશમાં કોરોનાનો કહેર યથાવત છે. ભારતમાં 24 કલાકમાં કોરોનાના 2 લાખ 56 હજાર 596 નવા મામલા નોંધાયા છે. ત્યારે મોતના વધતા આંકડા સતત ડરાવી રહ્યા છે. દેશમાં કોરોનાના ગત 24 કલાકની અંદર 1757 લોકોએ જીવ ગુમાવ્યો છે. દેશમાં કોરોનાના કુલ કેસની સંખ્યા 1 કરોડ 53 લાખ સુધી પહોંચી ગઈ છે. આટલા બધા કોરોનાના કેસ સામે આવ્યા છે કે ભારત હવે અમેરિકા બાદ બીજા નંબર પર છે.
10 દિવસમાં બે ગણા થયા એક્ટિવ કેસ
ભારતમાં સોમવારે કોરોનાના એક્ટિવ કેસ 20 લાખને પાર થઈ ગયા. આ રેકોર્ડ ભારતમાં ફક્ત 10 દિવસમાં બન્યો છે. 10 એપ્રિલથી ભારતમાં કોરોનાના 10 લાખ દર્દીઓ હતા. સોમવારે રાત સુધીમાં ભારતમાં કોરોના વાયરસના કુલ 20 લાખ 30 હજાર 725 એક્ટિવ કેસ હતા. મહામારીની શરુઆતથી અત્યાર સુધીના સૌથી વધારે કેસ છે. એક્ટિવ કેસની છે. ગત એક અઠવાડિયામાં દેશમાં કોરોનાના 7 લાખ 70 હજારથી વધારે નવા મામલા સામે આવ્યા છે.
પહેલી લહેરથી વધારે ઘાતક છે બીજી લહેર
દેશમાં કોરોનાની બીજી લહેર દર રોજ રેકોર્ડ તોડી રહી છે. પહેલી લહેર જ્યારે પીક પર હતી તો પણ સૌથી વધારે એક્ટિવ કેસની સંખ્યા 10 લાખને પાર થઈ હતી. અમેરિકા બાદ ભારત જ એક એવો દેશ છે જ્યાં એક્ટિવ કેસની સંખ્યા 20 લાખને પાર પહોંચી છે. ત્યારે બ્રાઝિલમાં કોરોનાના એક્ટિવ કેસ 2 અઠવાડિયા પહેલા જ 13 લાખ સુધી પહોંચ્યા હતા. પરંતુ હવે ત્યાં કોરોનાના કેસ ઓછા થવાનું શરુ થયું છે.
ફક્ત 10 રાજ્યોમાં 80 ટકા મામલા
દેશભરમાં 10 રાજ્યો એવા છે જ્યાં 80 ટકા એક્ટિવ કેસ છે. આ રાજ્યોમાં ઉત્તર પ્રદેશ, કર્ણાટક, છત્તીસગઢ, કેરળ અને મહારાષ્ટ્ર ટોપ 5માં સામેલ છે. ત્યારે દિલ્હી જ્યાં દેશની 0.3 ટકા વસ્તી છે ત્યાં હાલમાં કોરોનાના 3.8 ટકા એક્ટિવ કેસ છે.