દાવો / ડિક્શનરીમાં હવે નવો શબ્દ Modilie આવ્યો છેઃ રાહુલ ગાંધી

રાહુલ ગાંધીએ જે સ્ક્રીન શોટ શેર કર્યો છે તેમાં Modilieનો અર્થ સતત સત્ય સાથે ચેડાં અને આદતવશ જૂઠું બોલવું એવો થાય છે એવું જણાવ્યું છે. વડા પ્રધાન નરેન્દ્ર મોદી સામે રાહુલ ગાંધીનો આ વ્યંગ અને કટાક્ષ હોવાનું માનવામાં આવે છે. રાહુલ ગાંધીએ પોતાના ટ્વિટમાં જે સ્ક્રીન શોટ શેર કર્યો છે તેની ડાબી બાજુ કોંગ્રેસની વિજ્ઞાપન પણ નજરે પડે છે.

રાહુલે સ્ક્રીન શોટ શેર કર્યો છે તેના ઉપરથી ખબર પડે છે કે તેમને ઓક્સફર્ડ ડિક્શનરીમાં લાઈવ સેક્શનમાં સર્ચ કર્યું છે, પરંતુ સર્ચ પર એવું જણાવાયું છે કે આવો કોઈ શબ્દ જ નથી. રાહુલે પોતાના ટ્વિટમાં લખ્યું છે કે Modilie એક નવો શબ્દ છે, જે દુનિયાભરમાં લોકપ્રિય થઈ ચૂક્યો છે. હવે તેમના પર વેબસાઈટ પણ આવી ગઈ છે, જેમાં સૌથી સારા Modiliesની યાદી છે.