પ્રહાર / કેન્દ્રની કોવિડ રણનીતિ પર રાહુલ ગાંધીના પ્રહાર, કહ્યું- 'તુઘલકી લૉકડાઉન લગાવો, થાળી વગાડો અને હવે...'

• દેશમાં કોરોના વાયરસ પીક પર
• રાહુલ ગાંધીના સરકાર પર પ્રહાર
• કોરોનાની રણનીતિને લઈને સરકાર પર કર્યા પ્રહાર
   

કોરોના વાયરસનો કહેર આખા દેશમાં પીક પર છે અને સતત વધી રહ્યો છે ત્યારે સતત બીજા દિવસે કોરોના વાયરસના 2 લાખથી વધારે કેસ સામે આવ્યા છે. આ રીતે તે છેલ્લા 37 દિવસથી કોરોના સંક્રમણ વધવાનો સિલસિલો ચાલી રહ્યો છે. જે રીતે કોરોના વાયરસના કેસની ગતિ વધી રહી છે ત્યારે ફરી એક વાર લોકડાઉનની જરૂર લાગી રહી છે. આ સમયે કેન્દ્ર સરકારે કોરોનાને લઈને રણનીતિ પર પ્રહાર કર્યા છે અને 3 સ્ટેપમાં કહ્યું કે કોરોનાની વિરોધની લડાઈમાં સરકારની શું રણનીતિ છે. 
 

केंद्र सरकार की कोविड रणनीति-

स्टेज 1- तुग़लक़ी लॉकडाउन लगाओ।

स्टेज 2- घंटी बजाओ।

स्टेज 3- प्रभु के गुण गाओ।

— Rahul Gandhi (@RahulGandhi) April 16, 2021

રાહુલ ગાંધીએ કરી ટ્વિટ
આજે રાહુલ ગાંધીએ ટ્વિટ કરીને કેન્દ્ર સરકારની કોરોનાની રણનીતિ પર પ્રહાર કર્યા છે અને કહ્યું કે કેન્દ્ર સરકારની 3 રણનીતિ છે. પહેલું - તુઘલકી લોકડાઉન લગાઓ, બીજું- ઘંટી વગાડો અને ત્રીજું - પ્રભુના ગુણ ગાઓ. ઉલ્લેખનીય છે કે રાહુલ ગાંધી કોરોના સામે લડવાની કેન્દ્ર સરકારની નીતિને માટે આક્રમક મૂડમાં છે. 

ना टेस्ट हैं, ना हॉस्पिटल में बेड,
ना वेंटिलेटर हैं, ना ऑक्सीजन,
वैक्सीन भी नहीं है,
बस एक उत्सव का ढोंग है।

PMCares?

— Rahul Gandhi (@RahulGandhi) April 15, 2021

આ પહેલા પણ રાહુલ ગાંધીએ સરકાર પર સાધ્યું હતુ નિશાન
આ પહેલા કોંગ્રેસના પૂર્વ અધ્યક્ષ રાહુલ ગાંધીએ કોરોના વાયરસના વધતા કેસને લઈને ગુરુવારે સરકાર પર નિશાન સાધ્યું અને સાથે આરોપ લગાવ્યો કે જરૂરી ચિકિત્સા સુવિધાઓના અભાવની વચ્ચે વેક્સીનેશન ઉત્સવ એક ઢોંગ છે. તેઓએ ટ્વિટ કરીને કહ્યું ના ટેસ્ટ, ના હોસ્પિટલમાં બેડ, ના વેન્ટીલેટર, ના ઓક્સીજન....વેક્સીન પણ નહીં, બસ એક ઉત્સવનો ઢઓંગ છે. પીએમ કેયર્સ?

24 કલાકમાં આવ્યા આટલા કેસ
દેશમાં ગુરુવારે રાત સુધી કોરોનાના કેસમાં વધારો થયો છે. 24 કલાકમાં 216850 નવા કેસ આવ્યા છે અને સાથે 1138 લોકોના મોત થયા છે. આ મહામારીની શરૂઆતથી લઈને અત્યારસુધી 1 દિવસમાં મળનારા નવા કોરોના સંક્રમિતનો આંક સૌથી વધારે છે. કોરોનાની બીજી લહેર પહેલી લહેરને પાછળ છોડી ચૂકી છે. કુલ સંક્રમિતોની સંખ્યા 14287740 થઈ ચૂકી છે. કોરોનાથી પીડિત લોકોના સાજા થવાનો દર ઘટીને 89.51 ટકા થયો છે.