ઓસ્ટ્રેલિયા સામેની સિરીઝમાં ઐતિહાસિક જીત બાદ ભારતીય ક્રિકેટર અજિંક્ય રહાણેનાં ખૂબ વખાણ થઈ રહ્યાં છે. તેની સાથે રહાણે દ્વારા કાંગારુની છબી વાળી કેક ના કાપવા અંગની બાબતમાં પણ ચર્ચામાં છે.
કેક કટ કરવાના ઈન્કારથી ફરી રહાણે ચર્ચામાં
કેક પર કાંગારુની છબી ચિતરવામાં આવી હતી
પાડોશીઓએ કેકની વ્યવસ્થા કરી હતી
રહાણેએ કેક કટ કરવાની ના પાડી
વિરાટ કોહલીની ગેરહાજરીમાં ટીમ ઈન્ડિયા દ્વારા ઓસ્ટ્રેલિયા સિરીઝમાં ઉત્કૃષ્ટ પ્રદર્શન કરીને ટેસ્ટ સિરીઝમાં વિજય મેળવ્યા બાદ વિશ્વભરમાં તેમની જીતનાં ચર્ચા ચાલી રહ્યાં છે. ત્યારે રહાણેનાં નેતૃત્વમાં 2-1થી સિરીઝ જીત બાદ જ્યારે ભારત પરત ફરેલ અજિંક્ય રહાણેને જીતનાં જશ્ન માટે કેક કટ કરવાનું કહ્યું ત્યારે તેણે કેટ કટ કરવાની ના પાડી દીધી હતી. વિપક્ષીઓને સન્માન આપવું જોઈએ
રહાણેને જે કેક કટ કરવા માટે આપવામાં આવી હતી તે કેક પર કાંગારુની છબી ચીતરવામાં આવી હતી. જે ઓસ્ટ્રેલિયાનું રાષ્ટ્રીય પશુ છે. જેથી રહાણેએ કહ્યું કે, આપણે વિપક્ષીઓને સન્માન આપવું જોઈએ ભલે તે આપણી સાથે સારો વ્યવહાર કરે કે ના કરે, ભલે તમે જીતો કે ઈતિહાસ બનાવો. તમારે તમારા પ્રતિદ્વંધી અને અન્ય દેશો માટે સન્માન રાખવું જોઈએ. માટે જ મેં તે કાંગારુની શેપ વાળી કેકને કાપવા માટે ઇન્કાર કર્યો હતો. કેક કાપવાનો ઇન્કાર કરતો વીડિયો વાયરલ
ઉલ્લેખનીય છે કે, જ્યારે રહાણે સિરીઝ જીતીને દાદર સ્થિત તેનાં ઘરે પરત ફર્યો હતો ત્યારે તેનાં પાડોશીઓએ કેકની વ્યવસ્થા કરી હતી. જેનાં પર કાંગારુ બનાવવામાં આવ્યું હતું. જેને જોઈને રહાણેએ તે કેક કાપવા ઇન્કાર કરી દીધો હતો. જે ઘટનાનો વીડિયો પણ વાયરલ થયો હતો. જે વીડિયો જોઈને લોકોએ રહાણેનાં કામની સરાહના કરી હતી. રહાણેએ એક ઈન્ટરવ્યૂમાં કહ્યું હતું કે ઓસ્ટ્રેલિયાની સિરીઝ ખતમ થઈ ગઈ છે, હવે હું કેપ્ટન નથી. હવે હું ઈંગ્લેન્ડ સામની ટેસ્ટ સિરીઝ પર ફોકસ વધારી રહ્યો છું. જે થયુ તે ભૂતકાળ છે અને હવે આગામી લક્ષ્ય પર ધ્યાન કેન્દ્રિત કરવું છે.