સોશિયલ મીડિયામાં વાયરલ થયેલા એક વીડિયોના કારણે ચાર પંજાબી અધિકારીઓને સસ્પેન્ડ કરી દેવામાં આવ્યાં છે. આ મામલો ભારે વરસાદ વચ્ચે રોડ નિર્માણ સાથે જોડાયેલો છે. ઈન્ટરનેટ પર પણ હવે આ વીડિયો આગની જેમ ફેલાઈ રહ્યો છે.
ભારે વરસાદ વચ્ચે બનાવી રહ્યાં હતા રસ્તો
સોશિયલ મીડિયામાં વાયરલ થયો વીડિયો
પંજાબ સરકારે 4 અધિકારીઓને કર્યા સસ્પેન્ડ
મુશળધાર વરસાદ વચ્ચે બનાવી રહ્યાં હતા રસ્તો
સોશિયલ મીડિયામાં વીડિયો વાયરલ થયા બાદ પંજાબ સરકારે 4 અધિકારીઓને સસ્પેન્ડ કરવાનો નિર્ણય કર્યો છે. મહત્વનું છે કે જાહેર બાંધકામ વિભાગના ચારેય અધિકારી ઉત્તર પ્રદેશના હોશિયારપુર જિલ્લામાં મુશળધાર વરસાદ વચ્ચે રસ્તો બનાવી રહ્યાં હતા. ચારેય અધિકારીઓને તાત્કાલિક સસ્પેન્ડ કરી દેવામાં આવ્યાં છે. આ નિર્માણ શેરપુર ડાકો ગામમાં મુશળધાર વરસાદમાં કરવામાં આવ્યું હતુ. સરકારે આ મામલે કડક પગલા ઉઠાવ્યાં છે.
વીડિયો વાયરલ થયા બાદ વિભાગે અધિકારીઓ પર કડક કાર્યવાહી કરી છે. આ વીડિયોમાં અમુક શ્રમિકોને રસ્તો બનાવતા જોઈ શકાય છે.
#WATCH | Four officers of PWD suspended by Punjab government after a video of road construction from Punjab's Hoshiarpur during rainfall goes viral pic.twitter.com/osKT6kMflG
ઉલ્લેખનીય છે કે, જે ચાર અધિકારીઓને સસ્પેન્ડ કરવામાં આવ્યાં છે, તેમાં તરસેમ સિંહ, વિપન કુમાર, પરવીન કુમાર અને જસબીર સિંહનો સમાવેશ થાય છે. એએનઆઈમાં છપાયેલા એક રિપોર્ટ મુજબ સોશિયલ મીડિયામાં વાયરલ થયેલા આ વીડિયોને ગ્રામજનોએ શૂટ કર્યો હતો. બધા ગ્રામજનો મુશળધાર વરસાદને કારણે રસ્તો બનાવવાના વિરુદ્ધમાં હતા.