IPLIN
 

શપથગ્રહણ / પંજાબમાં આપની સરકાર: ભગવંત માન સરકારના 10 મિનિસ્ટરે લીધા શપથ, આજે કેબિનેટની પ્રથમ બેઠક

Team VTV 12:48 PM, 19 Mar 22 | Updated: 12:50 PM, 19 Mar 22
Follow us
punjab bhagwant mann cabinet expansion ceremony

ભગવંત માન કેબિનેટનું ગઠન 19 માર્ચે રાજભવનમાં થયું હતું. રાજ્યપાલે 10 ધારાસભ્યોને મિનિસ્ટર પદના શપથ લેવડાવ્યા હતા.

  • પંજાબમાં આપની સરકાર
  • ભગવંત માન કેબિનેટમાં આ મંત્રીનો સમાવેશ
  • આજે રાજ્યપાલે લેવડાવ્યા શપથ

 

પંજાબની ચૂંટણીમાં પ્રચંડ બહુમત સાથે જીત મેળવી સત્તાના સુકાન સંભાળનારી આમ આદમી પાર્ટીના મુખ્યમંત્રી ભગવંત માને 16 માર્ચના રોજ શહીદ ભગત સિંહના ગામમાં શપથગ્રહણ કર્યા હતા. ભગવંત માને પોતાનું મંત્રીમંડળ ગઠન કરી લીધું છે. ભગવંત માન કેબિનેટનું ગઠન 19 માર્ચે રાજભવનમાં થયું હતું. રાજ્યપાલે 10 ધારાસભ્યોને મિનિસ્ટર પદના શપથ લેવડાવ્યા હતા.

ભગવંત માને હોળીની સાંજે ટ્વિટ કરીને પોતાના મંત્રીઓના નામની જાહેરાત કરી હતી. પહેલી વાર મુખ્યમંત્રી બનેલા ભગવંત માને નવા મંત્રીમંડળમાં દરેક વર્ગ અને ક્ષેત્રને સાધવાની કોશિશ કરી છે. તેમની કેબિનેટમાં દલિત, મહિલા અને હિન્દુ સમુદાયના ધારાસભ્યોને પણ જગ્યા આપવામાં આવી છે. કેબિનેટ ગઠનમાં માઝા અને માલવા વિસ્તારનો દબદબો સ્પષ્ટ દેખાઈ રહ્યો છે. 

ક્યા ક્યા નેતાઓને મળી કેબિનેટમાં એન્ટ્રી

 

  • હરપાલ ચીમા (દિરબા)
  • ડો.બલજીત કૌર (મલૌત)
  • હરભજન સિંહ ઈટીઓ (જંડિયાલા)
  • ડો. વિજય સિંગલા (મનસા)
  • લાલચંદ કટારૂચક (ભોઆ)
  • ગુરમીત સિંહ મીત હેયર (બરનાલા)
  • કુલદીપ સિંહ ધાલીવાલ (અઝનાલા)
  • લાલજીત સિંહ ભુલ્લર (પટ્ટી)
  • બ્રહ્મ શંકર (હોંશિયારપુર)
  • હરજોત સિંહ બૈંસ(આનંદપુર સાહિબ)

શપથગ્રહણ બાદ તમામ મંત્રીઓ સાથે રાજ્યના મુખ્યમંત્રી ભગવંત માને મુલાકાત કરી હતી. મોટા સમાચાર એ છે કે, કેબિનેટની પ્રથમ બેઠક બપોરે બે વાગ્યે થશે. જેમાં સરકાર કોઈ મોટો નિર્ણય લઈ શકે છે .

Punjab bhagwant mann punjab cabinet minister Oath Ceremony
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ