જ્યારે સામાન્ય જનતા કોઇ પણ પ્રકારનાં ટ્રાફિક નિયમોનું પાલન ના કરે તો ટ્રાફિક પોલીસ દ્વારા તેને દંડ ફટકારવામાં આવતો હોય છે ઉપરાંત સામાન્ય જનતાને કાયદા બતાવવામાં આવે છે પરંતુ જ્યારે જો ટ્રાફિક પોલીસ જ નિયમનો ભંગ કરે ત્યારે આખરે કાયદો ક્યાં જતો રહે છે. શું ટ્રાફિક પોલીસ માટે કોઇ નિયમ લાગુ પડતો નથી. સામાન્ય નાગરિક સિસ્ટમને જ્યારે સિસ્ટમમાં લાવવા પર ઉતરે ત્યારે કેવો પાઠ ભણાવી શકે તેનું એક ઉત્તમ ઉદાહરણ સામે આવ્યું છે.
અમદાવાદઃ એક સામાન્ય નાગરિક સિસ્ટમને જ્યારે સિસ્ટમમાં લાવવા ઉતરે ત્યારે કેવો પાઠ ભણાવી શકે તે સામે આવ્યું છે. અમદાવાદ (Ahmedabad) નાં માનસી ચાર રસ્તા પાસે નાગરિકોએ ભેગા મળીને ટ્રાફિક પોલીસ (Traffic police) ને પોતાનાં જ વાહનનો મેમો ફાડવા મજબૂર કર્યા હોવાનો વીડિયો સોશિયલ મીડિયામાં વાયરલ થયો છે. જેમાં ટ્રાફિક પોલીસની ટોંઈગ ગાડીનાં ડ્રાઇવરે સીટ બેલ્ટ પહેર્યો નથી તેમજ ટોંઈગની ગાડી પણ નંબર પ્લેટ વગરની હોવાનું સામે આવ્યું છે. જેને લઈને નાગરિકો દ્વારા ટ્રાફિક પોલીસને મેમો ફાડવા માટે મજબૂર કરવામાં આવ્યાં.
મહત્વનું છે કે જ્યારે સામાન્ય જનતા કોઇ પણ પ્રકારનાં ટ્રાફિક નિયમોનું પાલન ના કરે તો ટ્રાફિક પોલીસ દ્વારા તેને દંડ ફટકારવામાં આવતો હોય છે ઉપરાંત સામાન્ય જનતાને કાયદા બતાવવામાં આવે છે પરંતુ જ્યારે જો ટ્રાફિક પોલીસ જ નિયમનો ભંગ કરે ત્યારે આખરે કાયદો ક્યાં જતો રહે છે. શું ટ્રાફિક પોલીસ માટે કોઇ નિયમ લાગુ પડતો નથી. સામાન્ય નાગરિક સિસ્ટમને જ્યારે સિસ્ટમમાં લાવવા પર ઉતરે ત્યારે કેવો પાઠ ભણાવી શકે તેનું એક ઉત્તમ ઉદાહરણ સામે આવ્યું છે.
સામાન્ય નાગરિકને મેમો ફટકારતી પોલીસ આખરે અહીં વિડીયોમાં દેખાઇ આવે છે કે તે આખરે કેવી લાચાર છે. આપણો દેશ એ લોકશાહી દેશ છે. ત્યારે આ લોકશાહી દેશમાં જનતા હોય કે પોલીસ બંને એક સમાન જ છે. અહીં વીડિયોમાં અમદાવાદનાં નાગરિકોનો જુસ્સો ગુજરાતે જોવા જેવો છે. જો પોલીસ કાયદો તોડે તો પછી જનતા તેમને કેમ ના પકડે. આખરે અમદાવાદની આ જનતાને સો સો સલામ છે.