ખળભળાટ / ભાવનગરમાં મહિલા PSI સાથે દુષ્કર્મ કરનાર કચ્છના PSIની ધરપકડ, થયો ચોંકાવનારો ખુલાસો

• ભાવનગરમાં મહિલા PSI સાથે દુષ્કર્મ કરનાર PSIની ધરપકડ
• મહિલા PSIને બ્લેક મેઇલિંગ કરતો હતો 
• ભૂજથી PSI રાકેશ કટારાની ધરપકડ

ભાવનગર શહેરમાં પોલીસ બેડમાં ફરજ બજાવતી એક મહિલા PSIને લલચાવી ફોસલાવી તેમની સાથે લગ્ન કરી દેવાની લાલચ આપીને PSI પર બળાત્કાર આચર્યાનો આરોપ લાગ્યો છે.  મહિલાનું રૂપિયા 3 લાખ રોકડા તેમજ 5 તોલા સોનુ પડાવી લીધું હોવાની પણ ફરિયાદ કરવામાં આવી છે.   મહિલા PSIએ ફરિયાદ નોંધાવતા પોલીસે PSI રાકેશ કટારાની ધરપકડ કરી લીધી છે. આ ફરિયાદ બાદ પોલીસે તપાસ હાથ ધરી છે.

ભાવનગર ગંગાજળીયા પોલીસે આ PSIને કચ્છ-ભુજમાંથી ઉઠાવીને તેની ધરપકડ કરી છે. ભાવનગરમાં ફરજ બજવતી મહિલા PSIએ શહેરના બી-ડીવીઝન પોલીસ મથકમાં તેમની ઉપર અત્યાચાર ગુજરાયો હોવાનું અને બાદમાં મારી નાખવાની ધમકી આપવાની ફરિયાદ નોંધાવી છે. ભાવનગર પોલીસે આ તપાસ સી-ડીવીઝન પોલીસને સોંપી છે અને આગળ તપાસ હાથ ધરી છે. મહિલા PSIને બ્લેક મેઇલિંગ કરતો હતો.

કઇ કઇ કલમો લગાવાઈ ?
પોલીસે આ કેસમાં જેમની સામે આરોપ છે તે PSI સામે 376, 420 અને 354 અને 506ની કલમ લગાવવામાં આવી છે. પોલીસે PSI રાકેશ કતારની ધરપકડ કરીને વધુ તપાસ હાથ ધરી છે.

થયો ચોંકાવનારો ખુલાસો
ભાવનગરમાં ફરજ બજાવતી આ મહિલા PSI સાથે આમ તો આ કચ્છના PSIને 4 વર્ષથી રિલેશનશિપ હોવાનું પણ સામે આવ્યું છે. આરોપી રાકેશ કતાર પોતે પરણિત હતો પરંતુ તે ભાવનગરની આ મહિલા PSIને ફસાવીને એવું કહેતો હતો કે હું મારી પત્ની સાથે છૂટાછેડા લઇને તારી સાથે લગ્ન કરી લઇશ. જોકે આ પ્રકારે લાલચ આપીને માત્ર રાકેશ કતાર અલગ અલગ સમયે આ મહિલા PSI સાથે શરીર સંબંધ બાંધતો હોવાનું બહાર આવ્યું. પોલીસ તરીકે ફરજ બજાવતો PSI જ બળાત્કાર કેસમાં સંડોવાતા પોલીસની શાખ ઉપર બટ્ટો લાગ્યો છે.