નીલમ-ઝેલમ નદી પરના પ્રોજેકેટને લઇને PoKમાં પાકિસ્તાન સામે વિરોધ

પાકિસ્તાને પચાવી પાડેલા POKમાં નીલમ-ઝેલમ નદી પર બની રહેલા પ્રોજેક્ટ સામે સ્થાનિકોનો વિરોધ સામે આવ્યો છે. વિરોધના પગલે સ્થાનિકો મુઝફ્ફરબાદમાં રસ્તા પર ઉતર્યા અને હલ્લાબોલ કર્યુ.

લોકોએ સુત્રોચ્ચાર સાથે પાકિસ્તાનનો હુરિયો બોલાવ્યો. નીલમ-ઝેલમ નદી પર ડેમ અને વિદ્યુત પરિયોજના બની રહી છે. જેની સામે લોકોનો વિરોધ સામે આવ્યો છે.

સ્થાનિકોનો આરોપ છે કે નદી પર બની રહેલા ડેમ અને વિદ્યુત પરિયોજનાના કારણે નદીનું પાણી સુકાયું છે. નદી પર બની રહેલા હાઈડ્રો પ્લાન્ટ પ્રોજેક્ટથી લોકો પાણીથી પણ વંચિત હોવાનો આરોપ ઉભો થયો છે.

જેથી સ્થાનિકોની માગ છે કે આ પ્રોજેક્ટને રોકવામાં આવે. લોકોને પીવાના પાણીની તકલીફ પડતી હોવાથી અનેક લોકોએ સ્થળાંતર પણ કર્યુ છે.

સ્થાનિકોનો આરોપ એવો પણ છે કે ઈસ્લામાબાદના રાજકીય સપોર્ટથી આ બધુ થઈ રહ્યું છે અને તેઓ તેમનો પપેટની જેમ ઉપયોગ કરી રહ્યા છે.