IPLIN
 

IPL 2022 / દિલ્હી કેપિટલ્સનાં સ્ટાર ખેલાડીને નિયમ તોડવો પડ્યો ભારે! ફટકારાયો મોટો દંડ

Team VTV 09:23 AM, 02 May 22
Follow us
prithvi shaw was fined to breach the code of conduct

દિલ્હી કેપિટલ્સ અને લખનૌ સુપર જાયન્ટ્સ વચ્ચેની મેચમાં દિલ્હીનાં પૃથ્વી શૉ પર નિયમોનાં ઉલ્લંઘન માટે દંડ ફટકારવામાં આવ્યો છે.

  • દિલ્હી કેપિટલ્સ અને લખનૌ સુપર જાયન્ટ્સ વચ્ચે હતી મેચ 
  • ઓપનર પૃથ્વી શો પર લાગ્યો દંડ 
  • દિલ્હીએ કરવો પડ્યો હારનો સામનો 

દિલ્હી કેપિટલ્સ અને લખનૌ સુપર જાયન્ટ્સ વચ્ચે હતી મેચ 

દિલ્હી કેપિટલ્સને IPL 2022માં પાંચમી હારનો સામનો કરવો પડ્યો છે. રવિવારે વાનખેડે સ્ટેડિયમમાં રમવામાં આવેલ મુકાબલામાં લખનૌ સુપર જાયન્ટ્સએ દિલ્હીને છ રનથી માત આપી છે. રિષભ પંતની આગેવાનીવાળી ટીમ દિલ્હી 9 મુકાબલામાંથી છઠ્ઠા ક્રમ પર છે. 

મેચમાં હાર બાદ દિલ્હી કેપિટલ્સ સાથે જોડાયેલ એક સમાચાર સામે આવ્યા છે. ટીમના બેટ્સમેન પૃથ્વી શોને નિયમોના ઉલ્લંઘન માટે ફટકાર લગાવવામાં આવી છે. સાથે જ તેમના પર મેચ ફીસનો 25 ટકા દંડ પણ લગાવાયો છે. આઈપીએલ દ્વારા સ્ટેટમેન્ટ જાહેર કરી આ વાતની પુષ્ટિ  આપવામાં આવી છે. પૃથ્વી લખનૌ સામે માત્ર પાંચ રન બનાવીને દુશ્મન્તા ચમીરાનો શિકાર બન્યા હતા. 

લેવલ -1નું કર્યું ઉલ્લંઘન 
પૃથ્વી શોએ આઈપીએલનાં નિયમોમાં અનુચ્છેદ 2.2 હેઠળ લેવલ 1નો અપરાધ કર્યો છે. લેવલ 1નાં ઉલ્લંઘન માટે મેચ રેફરીનો નિર્ણય છેલ્લો હોય છે. કોઈપણ ખેલાડીએ સામેની ટીમના ખેલાડીને  કે અમ્પાયરને ઈશારો કરવો આ નિયમનું ઉલ્લંઘન માનવામાં આવે છે. 

રાહુલની શાનદાર બેટિંગ 

ટોસ જીતીને બેટિંગ કરતા લખનૌ સુપર જાયન્ટ્સએ 20 ઓવરમાં ત્રણ વિકેટ પર 195 રન બનાવ્યા હતા. લખનૌ માટે કેપ્ટન કેએલ રાહુલે સૌથી વધારે 77 અને દિપક  હુડ્ડાએ 52 રન બનાવ્યા હતા. 

 

જવાબમાં દિલ્હીની ટીમ 20 ઓવરમાં સાત વિકેટ પર 189 રન જ બનાવી શકી. કેપ્ટન રિષભ પંતે સૌથી વધારે 44 અને અક્ષર પટેલે 42 રન બનાવ્યા હતા. લખનૌ સુપર જાયન્ટ્સ તરફથી મોહસિન ખાને સૌથી વધારે ચાર વિકેટ લીધી. જ્યારે રવિ બિશ્નોઈ, દુશ્મન્તા ચમીરા અને કૃષ્ણપ્પા ગૌતમે એક એક વિકેટ લીધી. 
 

IPL 2022 આઈપીએલ 2022 પૃથ્વી શૉ Prithvi shaw Gujarati News
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ