આજે રાજ્યની 26 લોકસભાની બેઠકો માટે તથા વિધાનસભાની 4 બેઠકોનું પણ મતદાન થઇ રહ્યું છે ત્યારે ગુજરાત આવેલ વડાપ્રધાન મોદીએ રાણીપ ખાતે આવેલ નિશાન સ્કૂલમાં મતદાન કરવા માટે પહોંચ્યા હતા.
અમદાવાદ: આજે રાજ્યની 26 લોકસભાની બેઠકો માટે તથા વિધાનસભાની 4 બેઠકોનું પણ મતદાન થઇ રહ્યું છે ત્યારે ગુજરાત આવેલ વડાપ્રધાન મોદીએ રાણીપ ખાતે આવેલ નિશાન સ્કૂલમાં મતદાન કરવા માટે પહોંચ્યા હતા.
વડાપ્રધાન મોદી સામાન્ય નાગરિકની જેમ મતદાતાઓની લાઇનમાં ઉભા રહ્યા હતા અને મતકુટીરમાં જઇને મત આપ્યો હતો. વડાપ્રધાનને મતદાન કર્યા બાદ પ્રજાનું અભિવાદન ઝિલ્યું હતું.
PM મોદીએ મતદાન પહેલા કર્યું ટ્વીટ
વડાપ્રધાન મોદીએ મતદાન કર્યા પહેલા પોતાના ટ્વીટર એકાઉન્ટ પર ટ્વીટ કરી હતી કે, હું થોડા સમયમાં મતદાન કરીશ. આ સાથે જ વધુને વધુ મતદાન થાય તે માટે પણ અપીલ કરી હતી.
ઉલ્લેખનીય છે કે, ગત મોડી મોડી રાતે વડાપ્રધાન મોદી ગુજરાત આવ્યા હતા અને રાજભવનમાં રાત્રિ રોકાણ કર્યું હતું. આજે તેઓ માતા હિરાબાના મળ્યા બાદ રોડ માર્ગે અમદાવાદના રાણીપ વિસ્તાર ખાતે આવેલ નિશાન સ્કૂલમાં મતદાન કરવાના પહોંચ્યા હતા.
માતા હિરાબાના લીધા આશિર્વાદ
ગુજરાત આવેલ વડાપ્રધાન મોદીએ મતદાન કરતા પહેલા માતા હિરાબાને મળવા પહોંચ્યા હતા. સવારે 7.27 મીનિટ આસપાસ માતાને મળવા પહોંચેલા મોદી માતાના આશિર્વાદ લઇને 7.46 મીનિટે બહાર નિકળ્યા હતા અને રાણીપ જવા રવાના થયાં હતા.
અમિત શાહ પહોંચ્યા હતા રાણીપ
વડાપ્રધાન મોદી રાણીપ ખાતે આવેલ નિશાન સ્કૂલમાં મતદાન કરવા પહોંચવાના હોવાથી ચાંપતો બંદોબસ્ત ગોઠવી દેવામાં આવ્યો હતો. આ સાથે જ ભાજપના દિગ્ગજ નેતા અને ગાંધીનગર બેઠકના ઉમેદવાર અમિત શાહ પણ વડાપ્રધાન મોદીના મતદાન કેન્દ્ર પર પહોંચ્યા હતા.
નિશાન સ્કૂલ ખાતે ગોઠવાયો ચાંપતો બંદોબસ્ત
વડાપ્રધાન અમદાવાદની નિશાન સ્કૂલે મતદાન કરવા આવવાના હોવાથી સઘન બંદોબસ્ત ગોઠવી દેવામાં આવ્યો હતો.