તમારા કામનું / મોંઘવારીનો મારઃ આવતીકાલથી આ તમામ વસ્તુઓના વધશે ભાવ, જાણી લો યાદી

• ટીવી, એસી, ફ્રીજ મોંઘા થશે
• સ્ટીલ અને વાહનો મોંઘા થશે
• વીમા પોલિસી મોંઘી થશે

આ પ્રકારના વાહનો મોંઘા થઈ જશે

મારુતિ સુઝુકી સહિત તમામ ઓટો કંપનીઓ 1 એપ્રિલ 2021થી કાર અને બાઈકોની કિંમતોમાં વધારો કરવાની જાહેરાત કરી છે. કિંમતો વધવા પાછળ ખર્ચ વધવાના કારણને જવાબદાર ગણાવ્યું છે. મારુતિ સુઝુકી ઉપરાંત નિશાન અને રેનોની કાર પહેલી એપ્રિલથી મોંઘી થઈ જશે. હીરોએ ટૂ- વ્હીલરની કિંમતોમાં પણ વધારો કરવાનું એલાન કર્યું છે. ત્યારે ખેડૂતોને ઝટકો લાગશે કેમ કે ટ્રેક્ટરના ભાવમાં વધારો થઈ રહ્યો.

ટીવી પણ મોંઘા

1 એપ્રિલ 2021થી ટીવી ખરીદવાનું મોંઘુ થઈ જશે.  ગત કેટલાક મહિનાથી સતત ટીવીના ભાવમાં વધારો થઈ રહ્યો છે. 1 એપ્રિલ 2021થી ટેલિવિઝનના ભાવમાં 2000 રુપિયાથી લઈને 3000 હજાર સુધી વધારાની શક્યતા છે. ચીનથી આયાત પર બેન બાદ ટીવીની કિંમતોમાં વધારો થયો છે.

મોબાઈલ થશે મોંઘા

1 એપ્રિલથી મોબાઈલ મોંઘા થઈ જશે. નાણામંત્રી નિર્મલા સીતારમણે બજેટમાં ઈલેક્ટ્રોનિક્સ પ્રોડક્ટ્સ પર ઈન્પોર્ટ ડ્યૂટી વધારવાનું એલાન કર્યું હતુ. જેમાં મોબાઈલ પોર્ટ્સ, મોબાઈલ ચાર્જર, એડોપ્ટર, બેટરી, અને હેડફોન વગેરે સામેલ છે. ઈન્પોર્ટ ડ્યૂટીમાં વધારા બાદ પ્રીમિયમ રેન્જ સ્માર્ટફોન સૌથી વધારે મોંઘો થઈ જશે.

એસી પણ મોંઘુ

આ ગરમીમાં નવુ એસી અને રેફ્રિજરેટર ખરીદનારોને મોટો ફટકો લાગશે. નવા નાણા વર્ષમાં એસી અને રેફ્રિજરેટર મોંઘા થશે. કંપનીઓએ કાચા માલની કિંમતોમાં વધારાના કારણે ભાવ વધારો થયાનું રટણ કર્યુ છે. એસીમાં 1500 થી 2000 રુપિયા વધારો થશે. ગત મહિને ગ્લોબલ માર્કેટમાં ઓપન સેલ પેનલના ભાવમાં 35 ટકા વધારો થયો છે.

હવાઈ મુસાફરી પડશે મોંઘી

ડીજીસીએ 1 એપ્રિલથી એર સિક્યોરિટી ફીસ (એએસએફ)માં વધારો કરવા જઈ રહ્યું છે. જેનાથી હવાઈ મુસાફરી મોંઘી થશે. ડોમેસ્ટિક ફ્લાઈટ્સમાં ભાડુ ઓછામાં ઓછું 5 ટકા વધશે. ડોમેસ્ટિક પ્રવાસ કરનારા પ્રવાસીઓને એરપોર્ટ સિક્યોરિટીની ફીસના નામ પર 200 રુપિયા અને વિદેશી પ્રવાસીઓને 12 ડોલર આપવાના રહેશે.

ઈન્શ્યોરન્સ પ્રીમિયમમાં વધારાની શક્યતા

મીડિયા રિપોર્ટ મુજબ નવા નાણા વર્ષ 2021-22માં ટર્મ ઈન્શ્યોરન્સના પ્રીમિયમમાં 10થી 15 ટકા વધારો થઈ શકે છે. હકિકતમાં કોરોના સંકટ દરમિયાન કંપનીઓના વીમાં ખર્ચમાં વધારો થયો છે. ટર્મ પોલીસીમાં પૂરી રીતે જોખમ કવર જ હોય છે.  જેમાં કોઈ મૈચ્યોરિટી રાશી નથી મળતી.

યુપીમાં દારુ મોંઘી થશે

ઉત્તર પ્રદેશમાં દારુની કિંમતમાં 1 એપ્રિલથી નવા એક્સાઈસ સેશન શરુ થશે. જે અંતર્ગત દેશી દારુ અને વિદેશી દારુ મોંઘી થશે. રાજ્ય સરકારે બીજા દેશમાંતી આવનારી એટલે કે ઈમ્પોર્ટેડ દારુ, સ્કોચ વાઈન અને વોડકાની પરમિટ ફી વધારી દીધી છે. 1 એપ્રિલથી યુપીમાં બિયર સસ્તી થવા જઈ રહી છે.

સ્ટીલની કિંમતોમાં વધારાના સંકેત

સ્ટીલ બનાવતી કંપની જેએસડબ્લ્યૂ સ્ટીલ, જેએસપીએલ, એમ-એનએસ અને ટાટા સ્ટીલ હોટ રોલ્ડ ક્વાયલ એટલે એચઆરસીના ભાવમાં 4 હજાર રુપિયા ટન વધારો થઈ શકે છે.  ડોમેસ્ટિક માર્કેટમાં કાચા માલમાં વધારો અને ઓડિશામાં ઉત્પાદનમાં ઘટાડાના કારણે સ્ટીલના ભાવમાં તેજી આવી રહી છે. આ પહેલા ડિસેમ્બર 2020માં સ્ટીલના ભાવમાં 2500 રુપિયા પ્રતિ ટન વધારો થયો હતો.