IPLIN
 

શ્રીલંકા સિરિયલ બ્લાસ્ટ / રામનાથ કોવિંદ અને PM મોદીએ કરી આકરી નિંદા, કહ્યું, 'અમે શ્રીલંકા સાથે'

Team VTV 05:39 PM, 21 Apr 19
Follow us
President Ramnath Kovind and PM Modi condemns Sri Lanka serial blasts

ઇસ્ટરનાં પવિત્ર તહેવાર પર શ્રીલંકામાં 160થી પણ વધારે લોકોનાં મોત નિપજ્યાં છે. જ્યારે 400થી વધારે લોકો ઘાયલ થયાં છે.

ભારતે ઇસ્ટર રવિવારનાં આજનાં રોજ પવિત્ર તહેવાર પર પડોશી દેશમાં થયેલ બોમ્બ બ્લાસ્ટની નિંદા કરીને સાથે ઉભા રહેવાનો વાયદો કર્યો છે. રાષ્ટ્રપતિ રામનાથ કોવિંદ, ઉપરાષ્ટ્રપતિ એમ વૈંકેયા નાયડુ, પ્રધાનમંત્રી મોદી સહિત અનેક મોટાં નેતાઓ અને અન્યએ પીડિતો પ્રત્યેની સંવેદના જાહેર કરી છે.

 


રાષ્ટ્રપતિ રામનાથ કોવિંદઃ
રાષ્ટ્રપતિ રામનાથ કોવિંદે ટ્વિટર પર રજૂ કરેલ પોતાનાં સંદેશમાં કહ્યું કે, 'ભારત શ્રીલંકામાં થયેલ આતંકી હુમલાની નિંદા કરે છે અને સરકાર અને જનતા પ્રત્યે સંવેદના પ્રગટ કરે છે. નિર્દોષ લોકો પર આવી બુદ્ધિહિન હિંસાની સભ્ય સમાજમાં કોઇ જ જગ્યા નથી. અમે શ્રીલંકા સાથે પૂરી દ્રઢતા સાથે ઉભાં છીએ.'
 
ઉપરાષ્ટ્રપતિ એમ વૈંકેયા નાયડુઃ
ઉપરાષ્ટ્રપતિ એમ વૈંકેયા નાયડુએ કહ્યું, 'ઇસ્ટર રવિવારનાં રોજ પવિત્ર તહેવાર પર કોલંબોમાં થયેલ ધમાકાઓમાં જાનહાનિ થયેલ માસૂમ નાગરિકો અને તેનાં પરિવારજનો પ્રત્યે હાર્દિક સંવેદના વ્યક્ત કરું છું. આ પાવન તહેવાર પર આ વિક્ષિપ્ત હિંસા પર સ્તબ્ધ છું.'

તેઓએ એક અન્ય ટ્વિટમાં પણ લખ્યું કે, 'આ દુર્ઘટનામાં ઘાયલોનાં શીઘ્ર સ્વાસ્થ્ય લાભને માટે પ્રાર્થના કરું છું. ઇશ્વર ઘાયલો અને જાનહાનિ થયેલાં પરિવારજનોને શોકની આ ઘડીમાં ધૈર્ય અને સાહસ દે.'
 


PM મોદીઃ
પ્રધાનમંત્રી મોદીએ પણ લખ્યું કે, 'શ્રીલંકામાં ભયાનક ધમાકાઓની આકરી નિંદા કરી છે. અમારા ક્ષેત્રમાં એવી બર્બરતા માટે કોઇ જગ્યા નથી. ભારત શ્રીલંકાનાં લોકો સાથે મજબૂતીથી ઉભું છે. મારી ભાવનાઓ શોકસંતપ્ત પરિવારોની સાથે છે અને ઘાયલોને માટે હું પ્રાર્થના કરું છું.'
 
કોંગ્રેસ પાર્ટીઃ
કોંગ્રેસ પાર્ટી તરફથી રજૂ કરેલ નિવેદનમાં કહેવામાં આવ્યું, "ઇસ્ટરનાં પવિત્ર દિવસ શ્રીલંકાની અનેક ચર્ચાઓ પર ભયાન હુમલાઓથી અમે દુઃખી છીએ. દુઃખની આ ઘડીમાં અમે લોકોની સાથે છીએ અને તેમાંથી જલ્દીથી ઉભરવા માટે અમે પ્રાર્થના કરીએ છીએ."

 
PM modi Ram Nath Kovind Sri Lanka serial blasts
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ