એસોસિએટ પ્રોફેસર હનવુ લેઇએ જણાવ્યું કે દુનિયાભરમાં પ્લાસ્ટિકનો કચરો બહુ મોટી સમસ્યા છે. આ કચરાને રિસાઇકલ કરીને ઉપયોગમાં લેવાની સૌથી સારી રીત વિકસાવાઇ છે. એપ્લાઇડ એનર્જી જર્નલમાં પ્રકાશિત સંશોધનમાં જણાવાયુ છે કે આ ટેકનિકમાં ઓછી ઘનતા ધરાવતી પોલિથીન, પાણી અને દુધની બોટલો, પ્લાસ્ટિક બેગ વગેરેને ત્રણ મિલીમીટર સુધીનાં નાના ટુકડાઓમાં કાપી દેવાય છે.
વૈજ્ઞાનિકોએ રોજબરોજ ઘરમાંથી નીકળતા પ્લાસ્ટિકના કચરામાંથી રાહત મેળવવા માટે એક અનોખી રીત વિકસાવી છે. વૈજ્ઞાનિકોએ જણાવ્યું કે આ નવી ટેકનિકથી પ્લાસ્ટિકનાં કચરામાંથી જેટ ઇંધણ બનાવી શકાશે. અમેરિકામાં વોશિંગ્ટન સ્ટેટ યુનિવર્સિટીનાં સંશોધકોએ જેટ ઇંધણનાં ઉત્પાદન માટે પ્લાસ્ટિક વેસ્ટને સક્રિય કાર્બન સાથે ઉચ્ચ તાપમાન પર પીગાળ્યું હતું.
એસોસિએટ પ્રોફેસર હનવુ લેઇએ જણાવ્યું કે દુનિયાભરમાં પ્લાસ્ટિકનો કચરો બહુ મોટી સમસ્યા છે. આ કચરાને રિસાઇકલ કરીને ઉપયોગમાં લેવાની સૌથી સારી રીત વિકસાવાઇ છે. એપ્લાઇડ એનર્જી જર્નલમાં પ્રકાશિત સંશોધનમાં જણાવાયુ છે કે આ ટેકનિકમાં ઓછી ઘનતા ધરાવતી પોલિથીન, પાણી અને દુધની બોટલો, પ્લાસ્ટિક બેગ વગેરેને ત્રણ મિલીમીટર સુધીનાં નાના ટુકડાઓમાં કાપી દેવાય છે. ત્યારબાદ આ કચરાને એક ટ્યુબ રિએક્ટરમાં 430 ડિગ્રી સેલ્સિયસથી લઇને 571 ડિગ્રી સેલ્સિયસના તાપમાનમાં સક્રિય કાર્બનની ઉપર રાખવામાં આવે છે.
કાર્બન એક ઉત્પ્રેરક છે જે રાસાયણિક પ્રક્રિયાને પ્રોત્સાહન આપે છે. પ્લાસ્ટિકનાં કેમિકલ બોન્ડ તોડવા ખુબ અઘરા હોય છે, તેથી તેમાં ઉત્પ્રેરક સામેલ કરવા પડે છે. પ્લાસ્ટિકમાં ઘણા બધા હાઇડ્રોજન હોય છે જે ઇંધણના પ્રમુખ ઘટક હોય છે. આટલા તાપમાન પર જ્યારે કાર્બન ઉત્પ્રેરક કામ કરે છે તો પ્લાસ્ટિકનાં ઘટક અલગ અલગ થઇ જાય છે. વિવિધ તાપમાનમાં અલગ અલગ ઉત્પ્રેરકો સાથે પરીક્ષણ કર્યા બાદ સંશોધકોએ 85 ટકા જેટ ઇંધણ અને 15 ટકા ડીઝલ મેળવ્યું.