નિર્ણય / દીવ-દમણ અને દાદરા-નગર હવેલીની રાજધાની 'દમણ', હવે લાગૂ થશે આ કાયદો

• મોદી સરકારનો નિર્ણયઃ દમણને બનાવાઇ રાજધાની
• હવે આ કેન્દ્ર શાસિત પ્રદેશમાં પણ લાગૂ થશે GST
• GST કલેક્શન લક્ષ્યને 10,000 કરોડ રૂપિયા સુધી વધાર્યું

કેન્દ્રીય મંત્રી પ્રકાશ જાવડેકરે પ્રેસ કોન્ફરન્સ કરીને જણાવ્યું હતું કે, દમણને કેન્દ્ર શાસિત પ્રદેશ દાદરા-નગર હવેલી અને દીવ-દમણના મુખ્યાલય તરીકે પણ નિમવામાં આવ્યું છે. કેબિનેટે દાદરા-નગર હવેલી અને દીવ-દમણમાં ગુડ્સ એન્ડ સર્વિસેઝ ટેક્સ (GST) લાગૂ કરવાના પ્રસ્તાવને મંજૂરી આપી દીધી છે.

મોદી કેબિનેટમાં પછાત વર્ગ (OBC) આયોગના કાર્યકાળને 6 મહિના સુધી વધાર્યો છે. ત્યારે કેન્દ્ર શાસિત પ્રદેશોના વિલય બાદ દમણને રાજધાની બનાવવામાં આવી છે. ત્યારે હવે આ વિલયને ધ્યાને રાખતા GST, વેટ અને ઉત્પાદન મૂલ્ય સંબંધિત અધિનિયમોમાં સંશોધન/વિસ્તરણ/રદ્દ કરવાને મંજૂરી આપી છે. 

GST કલેક્શન લક્ષ્યને 10,000 કરોડ રૂપિયા સુધી વધાર્યું

તમને જણાવી દઇએ કે સરકારે જાન્યુઆરી અને ફેબ્રુઆરી માટે GST કલેક્શન લક્ષ્યને 10,000 કરોડ રૂપિયા સુધી વધારી દીધું છે. ટેક્સ ડિપાર્ટમેન્ટને જાન્યુઆરી અને ફેબ્રુઆરી બન્ને મહિનાઓ માટે જીએસટી કલેક્શન લક્ષ્ય વધારીને 1.15 લાખ કરોડ રૂપિયા કરી દીધું છે. ત્યારે માર્ચ માટે આ 1.25 લાખ કરોડ રૂપિયા સુધી નક્કી કરવામાં આવ્યું હતું.