ચાર્જિસ / પોસ્ટ ઓફિસના ખાતાધારકો માટે કામના સમાચાર, 1 ઓગસ્ટથી ચૂકવવો પડશે આ ચાર્જ

• પોસ્ટ ઓફિસમાં ખાતું હોય તો ધ્યાન આપજો
• ઈન્ડિયા પોસ્ટ પેમેન્ટ્સ બેંક ઘણાં ફેરફાર કરવા જઈ રહી છે
• હવેથી આટલા ચાર્જિસ ચૂકવવા પડશે

હકીકત 1 ઓગસ્ટથી તમારે ડોરસ્ટેપ બેંકિંગ ચાર્જ પણ ચૂકવવો પડશે. આ સાથે બેંકે 1 જુલાઈથી વ્યાજદરમાં પણ ઘટાડો કર્યો છે. એટલે કે, હવે તમારા ખર્ચમાં વધારા સાથે તમને મળતો ફાયદો પણ ઓછો થયો છે.

જાણો કેટલો વધારાનો ચાર્જ ચૂકવવો પડશે

1 ઓગસ્ટ 2021થી ઇન્ડિયા પોસ્ટ પેમેન્ટ બેંકના ગ્રાહકોએ ડોરસ્ટેપ બેંકિંગ દર ગ્રાહક દીઠ 20 રૂપિયા ખર્ચવા પડશે. નોંધનીય છે કે અત્યાર સુધી ડોરસ્ટેપ બેન્કિંગ પર કોઈ ચાર્જ લાગતો ન હતો. 

ઘણી માહિતી ઓનલાઈન ચેક કરી શકાય છે

ગ્રાહકો હવે ઈન્ડિયા પોસ્ટ પેમેન્ટ બેંક દ્વારા બેલેન્સ ચેક કરી શકે છે, પૈસા ટ્રાન્સફર કરી શકે છે અને કોઈપણ પ્રકારના નાણાકીય ટ્રાન્ઝેક્શન કરી શકે છે. આ સિવાય બેંકના ગ્રાહકોને QR કાર્ડની સુવિધા પણ આપવામાં આવી રહી છે. ખાતાધારકની ઓથેન્ટિકેશન પ્રોસેસ બાયોમેટ્રિક દ્વારા પૂર્ણ કરી શકાય છે.

આ રીતે તમે ઓનલાઈન ખાતું ખોલી શકો છો

જો તમે ઇન્ડિયા પોસ્ટ પેમેન્ટ બેંકમાં ખાતું ખોલવા માંગતા હો તો તમારે IPPB એપ ડાઉનલોડ કરવી પડશે. પછી 'ઓપન એકાઉન્ટ' પર ક્લિક કરો. તે પછી બધી માહિતી ભરો અને સબમિટ કરો. તેને સબમિટ કર્યા પછી એકાઉન્ટ ખોલી જશે અને તેને એપમાંથી એક્સેસ કરી શકાશે.