દેશભરમાં કોરોના વાયરસની મહામારીનો કહેર જોવા મળી રહ્યો છે. ત્યારે દેશમાં કોરોનાના કારણે લગાવામાં આવેલા લોકડાઉનના કારણે દેશભરમાં સરકારી ભરતીની પ્રક્રિયા અટકાવી દેવામાં આવી હતી. જો કે હવે પ્રક્રિયાનો ફરી પ્રારંભ કરવામાં આવ્યો છે. આ સાથે GPSC દ્વારા પરીક્ષાઓ નવેમ્બરથી શરૂ થાય તેવી સંભાવના છે.
GPSCની ભરતી પરીક્ષાઓનો સંભવિત કાર્યક્રમ જાહેર
GPSCની 99 પરીક્ષાઓ નવેમ્બર મહિનાથી થશે શરૂ
કોરોના સંક્રમણને કારણે માર્ચથી પ્રક્રિયા બંધ હતી
ઉલ્લેખનીય છે કે રાજ્યમાં એક તરફ કોરોના મહામારીનો કહેર યથાવત જોવા મળી રહ્યો છે. જેને લઇને લોકડાઉન દરમિયાન ભરતી પ્રક્રિયાને રોકી દેવામાં આવી હતી. જો કે હવે અનલોક દરમિયાન ધીરે-ધીરે છૂટછાટ આપવામાં આવી રહી છે.
ત્યારે GPSCની ભરતી પરીક્ષાઓનો સંભવિત કાર્યક્રમ જાહેર કરવામાં આવ્યો છે. GPSCની 99 પરીક્ષાઓ નવેમ્બર મહિનાથી શરૂ થશે. કોરોના સંક્રમણના કારણે માર્ચથી પ્રક્રિયા બંધ કરવામાં આવી હતી.
જો કે 92 ભરતીઓની પ્રાથમિક, મુખ્ય, ઇન્ટરવ્યું પરીક્ષા યોજાશે. જ્યારે મુખ્ય પરીક્ષા બાકી હોય તેવી 7 ભરતી માટેની મુખ્ય પરીક્ષાનો કાર્યક્રમ જાહેર કરવામાં આવ્યો છે. આ પરીક્ષાઓનું આયોજન જાન્યુઆરીથી મે 2021 સુધીમાં કરવામાં આવનાર છે.