વિકાસ! / પ્રદુષિત નદીઓમાં ગુજરાતનો નંબર પાંચમો, અમદાવાદની સાબરમતી સૌથી પ્રદૂષિત નદી

• દેશભરમાં પ્રદૂષિત નદીઓની સંખ્યા 351
• ગુજરાતમાં પ્રદૂષિત નદીઓની સંખ્યા 20
• સાબરમતી નદીના શુદ્ધિકરણ 500 કરોડ ફાળવાયા

ગુજરાતમમાં નર્મદા, સાબરમતી સહિતની 20 નદીઓ પ્રદૂષિત છે. દેશમાં નદીઓ પ્રદૂષિત મામલે ગુજરાતનો પાંચમો નંબર છે. લોકસભાના ચોમાસુ સત્રમાં પૂછવામાં આવેલા પ્રશ્નના ઉત્તરમાં પર્યાવરણ મંત્રાલય દ્વારા આ અંગે ખુલાસો કરવામાં આવ્યો છે. મહારાષ્ટ્રમાં સૌથી વધુ 53 નદીઓ જ્યારે ભારતમાં કુલ 351 નદીઓ અત્યંત પ્રદૂષિત છે. બીજા ક્રમે આસામ, ત્રીજા ક્રમે મધ્યપ્રદેશ અને ચોથા ક્રમે કેરળમાં સૌથી વધારે નદીઓ દુષિત છે.

ગુજરાતની 20 નદીઓ પ્રદૂષિત યાદીમાં સામેલ

ગુજરાતની સાબરમતી, નર્મદા, તાપી સૌથી વધુ પ્રદૂષિત નદીઓ છે જ્યારે તેના પછી ભાદર, વિશ્વામિત્રી અને મહી નદીનો પણ પ્રદૂષિત નદીઓની નામાવલીમાં સમાવેશ થાય છે. રાજ્યની અમલાખાડી, ભાદર, ભોગાવો, વિશ્વારમિત્રી, દમણગંગા, તાપી, મેશ્વો નદીઓ પણ પ્રદૂષિતની યાદીમાં સામેલ છે.

સૌથી વધુ પ્રદૂષિત નદીઓના મામલે ગુજરાત પાંચમા નંબરે

નદીઓના શુદ્ધિકરણ માટે વપરાયેલા કરોડો રૂપિયા પાણીમાં વહી ગયા છે કારણ કે ગમે તેટલા ખર્ચ પછી પણ નદીઓ શુધ્ધ થઈ નથી રહી. કેન્દ્રના આંકડાથી ગુજરાત પ્રદુષણ નિયંત્રણ બોર્ડ સામે પણ સવાલો ઉઠી રહ્યા છે. 

સાબરમતી સૌથી વધુ પ્રદૂષિત

અમદાવાદની મધ્યમાથી પસાર થતી સાબરમતી નદીમાંથી તાજેતરમાં જ 500 ટન કચરો કાઢવામાં આવ્યો છે. સાબરમતી નદીના શુદ્ધિકરણ માટે બે વર્ષ પહેલા 500 કરોડ ફાળવાયા હતા. 

1. 2014-15 માં 44 કરોડ
2. 2015-16 માં  24.12 કરોડ
3. 2016-17 માં  71.40 કરોડ
4. 2017-18  માં 62 કરોડ
5. કુલ 201.52 કરોડ