મહામંથન / રાજકીય પક્ષો-નેતાઓ સાચા મુદ્દાને કોરાણે મૂકી વિવાદમાં છવાયા

અત્યાર સુધીમાં યોજાયેલી ચૂંટણીમાં મુખ્ય બાબત જો કેન્દ્રમાં રહેતી તો તે હતા વાયદાઓ. પરંતુ વાત જો આ વખતની લોકસભાની ચૂંટણીની કરીએ તો આ વખતે વચનો કરતા વિવાદ વધુ કેન્દ્રમાં રહ્યા છે. વચનો અને વાયદાઓની વણઝારની તો આ વખતે પણ થઈ. પરંતુ આ વખતની ચૂંટણી વાયદા આધારિત કરતા વિવાદ આધારિત વધુ દેખાઈ રહી છે. જે રીતે નેતાઓ મતદારોને ધમકી આપીને પોતાને મત આપવાની વાત કરી રહ્યા છે. જે રીતે નેતાઓ ભાષાની માન મર્યાદા ભૂલીને એકબીજા પર આરોપ પ્રત્યારોપ કરી રહ્યા છે. તેને જોતા જાણે એમ લાગે છે કે આ વખતની ચૂંટણીમાં વાયદાઓ બાજુએ મુકાયા છે જ્યારે વિવાદો કેન્દ્રમાં રહ્યા છે. ત્યારે સવાલ એ છે કે શું નેતાઓનો અમર્યાદિત ભાષાનો પ્રયોગ કેટલો યોગ્ય કહી શકાય? ચૂંટણીમાં વાયદાઓનું સ્થાન વિવાદ લે તે કેટલા અંશે યોગ્ય કહી શકાય? આ જ તમામ બાબતો પર છે આજનું મહામંથન.....