સાંસદસભ્ય રામ મોકરીયાની સોશિયલ મીડિયા પોસ્ટ વાયરલ થતાં રાજકીય ચર્ચા વધી છે, પોસ્ટમાં લખ્યું છે કે, એક અબજોપતિ સિનિયર નેતાએ મારા પૈસા આપ્યા નથી.
સાંસદ રામ મોકરીયાની પોસ્ટ વાયરલ
સોશિયલ મીડિયામાં પોસ્ટે જગાવી ચર્ચા
એક અબજપતિ સિનિયર નેતા પર આક્ષેપ
રાજ્યમાં ફરી એકવાર રાજકારણ ગરમાયું છે, સાંસદસભ્ય રામ મોકરીયાની સોશિયલ મીડિયા પોસ્ટ વાયરલ થતાં રાજકીય ચર્ચા વધી છે. ફેસબુક પર રામ મોકરીયાએ પોસ્ટ કરતા રાજકીય ચર્ચા તેજ બની છે. રામ મોકરીયા પોસ્ટમાં લખ્યું છે કે, એક અબજોપતિ સિનિયર નેતાએ મારા પૈસા આપ્યા નથી.
અબજોપતિ સિનિયર નેતાએ મારા પૈસા આપ્યા નથી: રામ મોકરીયા
સાંસદ રામ મોકરીયાએ લખ્યું છે કે, એક અબજોપતિ સિનિયર નેતાએ મારા પૈસા આપ્યા નથી તેમજ એ નેતાની નિયત ખરાબ હોવાથી મારા પૈસા આપ્યા નથી તેમણે કહ્યું કે, એ નેતા 1990થી સરકારમાં જુદા જુદા પદે રહી ચૂક્યા છે તેમજ 1980થી આ નેતા રાજકારણમાં સક્રિય છે તેમણે વધુમાં લખ્યું છે કે, નેતા ગુજરાત બહાર હતા ત્યારે રિટાયર્ડ થયા હતા. અત્રે તમને જણાવી દઈએ કે, સાંસદ રામ મોકરીયાની પોસ્ટ સૌરાષ્ટ્રના નેતા પર હોવાની શંકા સેવાઈ રહી છે.
રાજકીય ચર્ચાઓ
રામ મોકરીયાની આ પ્રકારની પોસ્ટ વાયરલ થતાં રાજકીય ચર્ચાએ જોર પકડ્યું છે તેમજ આ પ્રકારના લખાણથી કોણે પૈસા લીધા છે તેમજ કોણ 1980થી સક્રિય નેતા છે જેને લઈ અનેક રાજકીય ગતિવીધિઓ તેજ થઈ છે. તેમજ તેમણે એ પણ ઉલ્લેખ કર્યો છે કે તે નેતા અબજપતિ છે.