દિલ્હીમાં બે સંદિગ્ધ આતંકીઓ ઘૂસ્યા પોલીસે જાહેર કર્યું એલર્ટ

દિલ્હી પોલીસને બે સંદિગ્ધ આતંકીઓ શોધ છે તેના પોસ્ટર બહાર પાડીને રાજધાનીના દરેક રેલવે સ્ટેશન બસ સ્ટેન્ડ તેમજ ભીડભાડવાળી જગ્યાઓ પર લગાવામાં આવ્યાં છે.

પોલીસ દ્વારા બહાર પાડવામાં આવેલ ફોટોમાં સંદિગ્ધ આતંકી ઉર્દૂમાં લખેલા એક માઇલ સ્ટોનની સાથે દેખાય છે. જેના પર ફિરોઝપુર 9 કિલોમીટર અને દિલ્હી 360 કિલોમીટર લખેલું જોવા મળી રહ્યું છે. પોલીસને આશંકા છે કે આ બંને સંદિગ્ધ આતંકીઓ દિલ્હીમાં ઘૂસ્યા છે.

પોલીસ સૂત્રો દ્વારા મળતી માહિતી મુજબ દાઢીવાળા બંને યુવક દિલ્હી તરફ આવ્યાં છે. જેના કારણે દિલ્હીમાં જ નહીં પણ આસપાસના રાજ્યોમાં પણ એલર્ટ જાહેર કરવામાં આવ્યું છે.

આ કોણ છે તે અંગેની જાણકારી પોલીસે પાસે નથી. દિલ્હી પોલીસે આમ જનતાને બંને સંદિગ્ધ યુવકો અંગેની જાણકારી મળે તો આપવા અપીલ કરી છે.

દિલ્હી પોલીસના અધિકારીઓએ જણાવ્યું કે પંજાબમાં નિરંકારી ભવમાં થયેલા ગ્રેનેડ બ્લાસ્ટ બાદ દિલ્હી અને એનસીઆરમાં અલર્ટે જાહેર કરવામાં આવ્યું હતું.

આ વચ્ચે બંને યુવકોનો એક ફોટો સુરક્ષા એજન્સીઓને મળ્યો. જો કે તેઓને એક કથિત કાશ્મીરી આતંકી માનવામાં આવી રહ્યાં છે.