સુરત / ઉતરાયણમાં પીવવાળાનો પ્લાન પોલીસે બગાડ્યો, 300 વિદેશી દારૂની બોટલ સાથે 3 ની ધરપકડ

• સુરતમાં ઉત્તરાયણ પહેલા જ બુટલેગરો બેફામ બન્યા 
• ટ્રાફિક પોલીસને જોઇ બેફામ રીતે હંકારી કાર
• ટ્રાફિક પોલીસે 3 આરોપીઓને આંતરી ઝડપી પાડ્યા
• પોલીસે મદ્દામાલ જપ્ત કરી શરૂ કરી કાર્યવાહી

સુરત શહેરમાં ઉત્તરાયણના તહેવાર પહેલા બુટલેગરો બેફામ બન્યા છે. ત્યારે સુરતમાં 3 બુટલેગરો દારૂની હેરાફેરી કરતાં હતાં. દરમિયાન ટ્રાફિક પોલીસને જોઇ તેઓએ બેફામ રીતે કાર હંકારતા બુટલેગરોએ કારને રેલવે સ્ટેશનમાં ઘુસાડી દીધી હતી. આ દરમિયાન રસ્તામાં જતી એક રીક્ષાને પણ ટક્કર મારી હતી. જો કે, ટ્રાફિક પોલીસે આરોપીઓને આંતરી ઝડપી પાડ્યા હતા. બાદમાં પોલીસે કારમાં તલાસી લેતાં કારમાંથી દારૂની 300 બોટલ મળી આવી હતી. જેથી સુરત પોલીસે ત્રણેય બુટલેગરોની ધરપકડ કરી કાયદેસરની કાર્યવાહી હાથ ધરી હતી.