મહેસાણાના લાંઘણજ નજીકના ગામે આરોપીઓને પકડવા ગયેલ પોલીસ પર સ્થાનિક લોકોએ હુમલો કરવાની ઘટના બનવા પામી છે. આ ઘટનામાં આરોપીઓને ભગાડવામાં મદદગારી કરનાર ૧૫ જેટલા શક્શોની ધરપકડ પણ કરી લેવામાં આવી છે.
મહેસાણાના લાંઘણજ નજીક મેંઉ ગામે લુંટના ગુનાના બે આરોપીઓને પકડવા ગયેલ પોલીસ પર હુમલો થતા મેંઉ ગામે પોલીસ કાફલો ખડકી દેવાયો હતો અને આરોપીઓને ભગાડવા મદદગારી કરનાર ૧૫ જેટલા શખ્સોની ધરપકડ કરવામાં આવી હતી. જો કે, જે આરોપીઓની ધરપકડ માટે પોલીસ ગઈ હતી તે બંને આરોપીઓ ફરાર થઇ ગયા હતા.
સમગ્ર ઘટનાની હકીકત પર નજર કરીએ તો, લાંઘણજ પોલીસ મથકે નોધાયેલ લુંટના ગુનામાં નાસતા ફરતા ૧-ચાવડા અમરસિંહ પરથીજી અને ૨-ચાવડા હરીજી મફાજી જે બંને મેંઉ ગામના રહેવાસી છે. જેની ધરપકડ માટે લાંઘણજ પોલીસ મેંઉ ગામે પહોચી હતી.
જેની ધરપકડનો પ્રતિકાર કરવા સ્થાનિક લોકોએ અવરોધ કર્યો હતો અને પોલીસ પર જ લાકડીઓ અને ધોકાઓ વડે હુમલો કરીને બંને આરોપીઓને ભગાડવામાં મદદગારી કરી હતી. જે મામલે લાંઘણજ પોલીસએ ૧૫ જેટલા શખ્સોની ધરપકડ કરીને હેડ કોન્સ્ટેબલ વિપુલકુમાર બાબુભાઈએ ફરીયાદી તરીકે ગુનો દાખલ કરેલ છે.
લાંઘણજ પોલીસ મેંઉ ગામે બે આરોપીઓની ધરપકડ કરવા ગઈ હતી. જેમાં બે પોલીસ કર્મીઓને સામાન્ય ઈજા પણ થઇ હતી. જો કે, સમયસર જીલ્લાની અન્ય પોલીસ કાફલો ઘટના સ્થળે પહોચી જતા ૧૫થી વધુ શક્શોની ધરપકડ કરીને ૩૦થી ૪૦ શક્શોના ટોળા વિરુધ લાંઘણજ પોલીસે ગુનો દાખલ કરીને આગળની કાર્યવાહી હાથ ધરી છે.