બનાસકાઠા / પેછડાલ ગામની સીમામાંથી પોલીસે ઝડપી પાડ્યો દારૂનો મોટો જથ્થો 

બનાસકાંઠાના આગથળા પોલીસે પેછડાલ ગામની સીમામાંથી વિદેશી દારૂનો જથ્થો ઝડપી પાડ્યો છે. પોલીસે 18 હજાર 700 રૂપિયાના દારૂના જથ્થા સાથે 2 શખ્સોને ઝડપી પાડ્યા છે. મળતી માહિતી મુજબ પેછડાલ ગામમાં દારૂની હેરાફેરી થતી હોવાની બાતમી મળી હતી.

પોલીસે બાતમીના આધારે તપાસ હાથધરી હતી. આ દરમિયાન એક ગાડીમાંથી દારૂનો જથ્થો મળી આવ્યો હતો. પોલીસે કાર સહિત 1 લાખ 58 હજારનો મુદ્દામાલ જપ્ત કર્યો. આગથળા પોલીસે દારૂનો જથ્થો ઝડપીને વધુ કાર્યવાહી હાથધરી છે.