પીએમ નરેન્દ્ર મોદી વીડિયો કોન્ફરન્સિંગ દ્વારા સાર્ક દેશોના નેતાઓ સાથે ચર્ચા કરી. આ વીડિયો કોન્ફરન્સિંગમાં શ્રીલંકાના રાષ્ટ્રપતિ ગોટબયા રાજપક્ષે, બાંગ્લાદેશના પીએમ શેખ હસીના, અફઘાનિસ્તાનના રાષ્ટ્રપતિ અશરફ ગની, માલદીવના રાષ્ટ્રપતિ ઇબ્રાહિમ સોલી, ભૂટાનના વડાપ્રધાન, નેપાળના વડાપ્રધાન સામેલ થયા છે. પાકિસ્તાન તરફથી વડાપ્રધાન ઇમરાન ખાનના સહાયક ડૉ. જફર મિર્જા સામેલ થયા.
પીએમ નરેન્દ્ર મોદી વીડિયો કોન્ફરન્સિંગ દ્વારા સાર્ક દેશોના નેતાઓ સાથે ચર્ચા કરી
પીએમ મોદીએ કહ્યું, કોરોના વાયરસના ખતરાને જોતા 1400 ભારતીયોને વિવિધ દેશોથી લાવવામાં આવ્યા
સાર્ક દેશોમાં 150થી ઓછા કેસ સામે આવ્યા
પીએમ નરેન્દ્ર મોદીએ કહ્યું કે સાર્ક દેશોમાં 150થી ઓછા કેસ સામે આવ્યા છે. ભારતમાં કોરોના વાયરસને લઇને જાગરુકતા અભિયાન ચાલી રહ્યું છે. કોરોનાને WHOએ મહામારી જાહેર કરી છે. કોરોન વાયરસથી સાવચેત રહેવાની જરૂર છે. ભારતમાં જાન્યુઆરીથી સ્ક્રીનિંગ કરવામાં આવી રહ્યું છે. કોરોના વાયરસના ખતરાને જોતા 1400 ભારતીયોને અલગ-અલગ દેશોથી લાવવામાં આવ્યા છે.
Chalking out a plan to combat the COVID-19 Novel Coronavirus with SAARC leaders. https://t.co/l9H0Nidn6a
પીએમ મોદીએ કોરોના વાયરસ પર રવિવારે સાર્ક દેશો સાથે વીડિયો કોન્ફરન્સિંગ દ્વારા ચર્ચા કરી. પીએમ મોદીએ કહ્યું કે આપણે કોરોના વાયરસથી ડરવાની જરૂર નથી. પરંતુ એકજુટ બનીને લડવાની જરૂર છે. તેઓએ કહ્યું કે સાર્ક દેશોએ સાવધાની રાખવી પડશે.
સાર્ક (SAARC) દક્ષિણ એશિયાના દેશો વચ્ચે કામ કરનારું ક્ષેત્રીય સંગઠન છે. તેમા અફઘાનિસ્તાન, બાંગ્લાદેશ, ભૂટાન, ભારત, માલદીવ, નેપાળ, પાકિસ્તાન અને શ્રીલંકા આવે છે. આ સંગઠન ક્ષેત્રીય સ્તર પર દેશોમાં પરસ્પર તાલમેલને પ્રોત્સાહન આપે છે.
નોંધનીય છે કે કોરોના વાયરસે ચીન બાદ હવે યૂરોપમાં ફેલાઇ ચૂક્યો છે. ફ્રાન્સમાં કોરોના વાયરસ (Coronavirus) ના અત્યાર સુધીમાં લગભગ 500 મામલા સામે આવ્યા છે. ભારતે પણ કોરોના મહામારીને નેશનલ ડિઝાસ્ટર જાહેર કરી દીધી છે. ભારતમાં આ વાયરસથી સંક્રમિત દર્દીઓનો આંકડો વધીને 108 થઇ ચૂક્યો છે. સાવચેતીના ભાગ રૂપે 21 રાજ્યોમાં સ્કૂલો-કોલેજ બંધ છે.
ગત 24 કલાકમાં જ ચીનની બહાર કોરોના વાયરસના ઓછામાં ઓછા 9,751 નવા કેસની પુષ્ટી થઇ છે. જ્યારે વૈશ્વિક સ્તર પર કોરોના વાયરસની સંક્રમિત લોકોની સંખ્યા વધીને 1,59,000 થઇ ગઇ છે.