સિદ્ધિ / PM મોદીના નામે વધુ એક કીર્તિમાન, તોડ્યો પૂર્વ PM અટલ બિહારી વાજપેયીનો રેકોર્ડ

• પીએમ મોદી તોડ્યો અટલ બિહારી વાજપેયીનો રેકોર્ડ 
• નરેન્દ્ર મોદી સૌથી લાંબા સમય સુધી પદ પર રહેનાર ગેરકોંગ્રેસી પીએમ બન્યા 
• છેલ્લા 2260 દિવસથી પીએમ પદ સાંભળી રહ્યા છે પીએમ મોદી 

વડાપ્રધાન મોદી પહેલા અટલ બિહારી વાજપેયી સૌથી લાંબા સુધી પીએમ રહેનાર ભાજપ નેતા હતા. અટલ બિહારી વાજપેયી સતત 2,256 દિવસ સુધી પીએમ પદ પર રહ્યા. 19 માર્ચ 1998ના રોજ તે દેશના પીએમ બન્યા અને 22 મે 2004 સુધી તેઓ પદ પર રહ્યા. 

વર્તમાન વડાપ્રધાન મોદી અત્યારે છેલ્લા 2260 દિવસ સુધી સતત પીએમ પર છે. આમ સૌથી લાંબા સમય સુધી પીએમ પદ પર રહેનાર બિનકોંગ્રેસી અને ભાજપ નેતા બની ગયા છે. 26 મે 2014ના રોજ તેમણે પીએમ પદના શપથ લીધા હતા. અને વર્ષ 2019માં સતત બીજીવાર જીત નોંધાવી ફરીથી પીએમ બન્યા. 

નોંધનીય છે કે 1947થી અત્યાર સુધી દેશને 15 વડાપ્રધાન મળ્યા છે. દેશના પ્રથમ પીએમ જવાહરલાલ નેહરુ દેશનાં સૌથી લાંબા સમય સુધી પીએમ રહેનાર વ્યક્તિ છે, તેઓ 6,130 દિવસ સુધી પીએમ રહ્યા. 

જવાહરલાલ નેહરુ બાદ આ રેકોર્ડ તેમના પુત્રી ઇન્દિરા ગાંધીના નામે છે. દેશની પહેલી મહિલા પ્રધાનમંત્રી તરીકે તેઓ 5,829 દિવસ સુધી રાજસિંહાસન પર રહ્યા. પહેલા કાર્યકાળમાં તે 11 વર્ષ સુધી પીએમ પદ પર રહ્યા અને બીજો કાર્યકાળ 1980થી 1984 સુધીનો રહ્યો. 

વડાપ્રધાનના પદ પર ડૉ. મનમોહન સિંહ પણ દસ વર્ષ સુધી પીએમ પદ પર રહ્યા.