પશ્ચિમ બંગાળ ચૂંટણીમાં આજે પીએમ મોદીએ ખડગપુરમાં ભાજપ માટે પ્રચાર કર્યો હતો જેમાં તેમણે મમતા બેનર્જી પર આકરા પ્રહારો કર્યા છે.
બંગાળમાં પીએમ મોદીની ગર્જના
ખડગપુરમાં કરી રેલી
ભાજપની સરકાર નિશ્ચિત : મોદી
ભાજપની સરકાર બનવા જઈ રહી છે : પીએમ મોદી
પશ્ચિમ બંગાળમાં ચૂંટણીને લઈને શનિવારે ભાજપ તરફથી પ્રધાનમંત્રી મોદી મોરચો સંભાળી રહ્યા છે. પીએમ મોદીની આજે પશ્ચિમ બંગાળમાં બે રેલીઓ છે જેમાં પહેલી ખડગપુરમાં કરવામાં આવી હતી. પીએમ મોદીએ કહ્યું કે લોકોના ઉત્સાહથી સાફ સાફ કહી શકાય છે કે રાજ્યમાં ભાજપની સરકાર બનવા જઈ રહી છે.
બંગાળમાં 55 વર્ષથી વિકાસ ડાઉન : પીએમ મોદી
પીએમ મોદીએ કહ્યું કે ગઇકાલે રાતે 50-55 મિનિટ સુધી વોટ્સએપ, ફેસબુક અને ઇન્સ્ટાગ્રામ ડાઉન થઈ ગયા હતા, જેને લઈને લોકો ચિંતિત થઈ ગયા હતા. પરંતુ બંગાળમાંઆ તો વિકાસ, વિશ્વાસ અને સપનાઓ 50-55 વર્ષથી ડાઉન છે. આ સિવાય મમતા બેનર્જીના ખેલા હોબેના નારા પર પણ પીએમ મોદીએ કટાક્ષ કર્યો હતો કે બંગાળમાં હવે ખેલ ખતમ થઈ જશે અને વિકાસનો આરંભ થઈ જશે.
Yesterday WhatsApp, Instagram & Facebook were down for 50-55 min, everybody got worried. But in Bengal, development, & dreams have been down for 50-55 years. First, it was Congress, then Left, and now TMC, who've blocked state's development: PM Modi in Kharagpur, West Bengal pic.twitter.com/wy9P93nqcF
પીએમ મોદીએ ખડગપુરની રેલીમાં મમતા બેનર્જીની સરકાર સામે સવાલો ઊભા કર્યા અને કહ્યું કે કેન્દ્ર સરકાર તરફથી બંગાળ માટે 33 લાખ પાકા મકાન બનાવવાની યોજના હતી પણ હજુ સુધી ઘણા ઘર બની નથી શકતા. દીદીને લાગે છે કે જો આ યોજનાનો લાભ લોકોને આપી દેવામાં આવશે તે લોકો મોદીને આશીર્વાદ આપશે. પીએમ મોદીએ કહ્યું કે દીદીથી પશ્ચિમ બંગાળની જનતા 10 વર્ષનો હિસાબ માંગી રહી છે અને અમફાન વાવાઝોડાનો હિસાબ માંગો તો દીદીને ગુસ્સો આવી જાય છે. રૅશન ચોરીનો હિસાબ માંગો તો દીદીને ગુસ્સો આવી જાય છે, કોલસા કૌભાંડનો હિસાબ માંગો તો પોલીસ ડંડા મારવા આવી જાય છે.
5 વર્ષ અમને મોકો આપો : પીએમ મોદી
પીએમ મોદીએ કહ્યું કે બંગાળની જનતાએ કોંગ્રેસના કારનામા જોઈ લીધા, લેફ્ટની બરબાદી જોઈ લીધી અને TMCએ તમારા સપનાઓને ચૂર ચૂર કરી નાંખ્યા. અમને પાંચ વર્ષ માટે મોકો આપો, અમે 70 વર્ષની બરબાદીને નાબૂદ કરી દઇશું.