બેઠક / નવા વર્ષમાં મંત્રીઓની PM મોદીએ બોલાવી બેઠક, ઘડાશે આ પ્લાન

• પીએમ મોદીએ 2024 સુધીનું લક્ષ્ય નક્કી કરવાનો નિર્ણય લીધો છે
• પીએમ મોદીએ સરકારની નીતિઓ બનાવવા માટે ગ્રુપ ઓફ સેક્રેટરીઝ બનાવ્યું હતું
• કાઉન્સિલ ઓફ મિનિસ્ટર્સની બે દિવસીય બેઠકમાં 4થી 5 મંત્રાલયોનું પ્રેઝન્ટેશન થશે

મંત્રાલયોએ બતાવવું પડશે પોતાનું પ્લાનિંગ

પીએમ મોદીએ સરકારની નીતિઓ બનાવવા માટે ગ્રુપ ઓફ સેક્રેટરીઝ બનાવ્યું હતું. એ વિભાગોના સચિવ આ બેઠક દરમિયાન પ્રેઝેન્ટેશન આપશે. જાણકારી મુજબ, તમામ મંત્રાલયોને આવનારા 5 વર્ષની પ્લાનિંગને લઇને પ્રેઝન્ટેશન આપવુ પડશે. તમામને બતાવવું પડશે કે, તેમનું મંત્રાલય આવનાર વર્ષોમાં શું-શું કરવા જઇ રહ્યું છે. 

2024નું લક્ષ્ય નક્કી કરી રહ્યા છે પીએમ મોદી

માનવામાં આવી રહ્યું છે કે, હવે પીએમ મોદીએ 2024 સુધીનું લક્ષ્ય નક્કી કરવાનો નિર્ણય લીધો છે. તેથી મંત્રીઓને એ વાતથી અવગત કરવામાં આવશે કે આવનારા સાડા ચાર વર્ષ માટે તેમનું હોમ વર્ક શું છે. નોંધનીય છે કે, આ પહેલા પણ પીએમ મોદીએ 21 ડિસેમ્બરે ઉચ્ચ પ્રાથમિકતા વાળી યોજનાઓની સમીક્ષા માટે કાઉન્સિલ ઓફ મિનિસ્ટર્સની બેઠક બોલાવી હતી.