BIG NEWS / આજે એક એક કરીને 12 મુખ્યમંત્રીઓ PM મોદીને આપશે રિપોર્ટ કાર્ડ, કાશીમાં બોલાવાઈ હાઇલેવલ મીટિંગ

• આજે મુખ્યમંત્રીઓ સાથે પીએમ મોદીની બેઠક 
• એક એક કરીને તમામ સીએમ પોતાનો રિપોર્ટ કાર્ડ આપશે 
• આશરે પાંચ કલાક ચાલશે બેઠક 

આજે પીએમ મોદીની પાઠશાળા 
પ્રધાનમંત્રી મોદીનો આજે કાશી પ્રવાસનો બીજો દિવસ છે, ગુજરાતનાં ભૂપેન્દ્ર પટેલ સહિત અન્ય રાજ્યોના મુખ્યમંત્રી કાશી પહોંચી ગયા છે. તમામ મુખ્યમંત્રીઓ સાથે પ્રધાનમંત્રી મોદી બેઠક કરશે અને વિવિધ મુખ્યમંત્રીઓ તેમના રાજ્યોમાં શું કામ કરી રહ્યા છે તે જણાવશે. કાલે રાતે પણ મુખ્યમંત્રીઓ સાથે પ્રધાનમંત્રી મોદીએ ચર્ચા કરી હતી. 

આ 12 મુખ્યમંત્રીઓ થશે સામેલ 

• ઉત્તર પ્રદેશના મુખ્યમંત્રી યોગી આદિત્યનાથ
• આસામના મુખ્યમંત્રી હિમંતા બિસ્વા સરમા
• અરુણાચલ પ્રદેશના પેમા ખાંડુ
• ગોવાના પ્રમોદ સાવંત
• ગુજરાતના ભૂપેન્દ્ર પટેલ
• હરિયાણાના મનોહર લાલ ખટ્ટર
• હિમાચલ પ્રદેશના જય રામ ઠાકુર
• ઉત્તરાખંડના પુષ્કર સિંહ ધામી
• મધ્યપ્રદેશના શિવરાજ સિંહ ચૌહાણ
• કર્ણાટકના બસવરાજ બોમાઈ
• મણિપુરના એન બિરેન સિંહ
• અને ત્રિપુરાના સીએમ બિપ્લબ દેવ

પીએમ મોદીએ માંગ્યું રિપોર્ટ કાર્ડ 
નોંધનીય છે કે પ્રધાનમંત્રી ભાજપ સરકારોનું આખું રિપોર્ટ કાર્ડ જોવા માંગે છે, જેમા એક એક કરીને તમામ મુખ્યમંત્રીઓ પોતપોતાનું પ્રેઝેન્ટેશન કરશે. તમામ મુખ્યમંત્રીઓને સૂચના આપવામાં આવી છે કે તે પોતાના રાજ્યોમાં કરેલ કામગીરી વિશે જણાવે. 

કાશીમાં થનાર આ સંમેલનમાં બિહાર અને નાગાલેંડનાં ડેપ્યુટી સીએમ પણ જોડાવવાના છે અને આજે સવારે 9 વાગે આ બેઠક શરૂ કરવામાં આવશે. સંપૂર્ણ બેઠક આશરે 3 વાગ્યા સુધી ચાલશે અને પછી બપોરનું ભોજન પણ મુખ્યમંત્રીઓ સાથે જ પીએમ કરશે.